Црна хроника
Одбраната тврди дека некои притворени за убиството во Охрид се невини

Истражната постапка за случајот со убиството на српскиот државјанин Дејан Новаковиќ кој настрада во тепачката што на 27-ми август се случи во центарот на Охрид намерно се одолговлекува
Тоа може да доведе до продолжување на мерката притвор на обвинетите без да бидат изведени доказите на бранителите, тврди одбраната на притворените според која дел од нив имаат цврсто алиби дека не биле учесници во инцидентот, пренесува Ohridnews..„Во наредените две недели не е предвидено изведување на докази за алибито на осомничените со што ќе дојде до продолжување на притворот и на лицата за кои постојат факти дека не биле учесници во тепачката и ова е уште еден доказ како мерката притвор во Македонија се преиначува во казна. Сметаме дека 30 дена се доволен период истрагата да утврди кој од осомничените се виновни и треба да останат во притвор, а другите лица треба да се ослободат„, вели Воислав Димоски, адвокат на еден од приведените.Тој за својот клиент тврди дека во критичното време не бил на местото на настанот, како и дека имало докази дека во фаталната тепачка не учествувало најмалку уште едно од осомничените лица кои сега се во истражниот затвор во Идризово, што исто така ја отежнувало постапката.Димоски има забелешка и на квалификацијата на кривичното дело според кое осомничените се товарат за свирепо убиство за што законот предвидува и доживотен затвор и смета дека истото треба да се преиначи во кривично дело учество во тепачка со смртни последици за што е предвидена мерка затвор од три месеца до три години.„Сметам дека обвинителството многу лесно ја прифати кривичната пријава поднесена од полицијата, која во никој случај не соодветствува на делото кое е извршено“, рече Димоски кој најавува дека за начинот на кој се води постапката ќе ги извести меѓународните организации во земјата од областа на заштитата на човековите права.За убиството на белграѓанецот Дејан Новаковиќ кој настрада во тепачката што пред неполн месец се случи во центарот на Охрид се осомничени осум лица. Седуммина се охриѓани, а едно лице е српски државјанин кое по немилиот настан илегално ја напушти земјава и по него е распишана меѓународна потерница
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
МВР со детали за сообраќајната несреќа кај „Дајмонд“: 27-годишната скопјанка со повреди пренесена во болница

Вчера во 08.10 часот во СВР Скопје било пријавено дека на крстосница од булеварот Мито Хаџивасилев Јасмин и сервисна улица која води од булеварот кон катна гаража „23 Јули“ во Скопје, патничко возило „сеат алхамбра“ со скопски регистарски ознаки, управувано од Џ.И.(21) од село Никуштак, општина Липково, удрило во пешакот Т.С.(27) од Скопје.
Во незгодата со телесни повреди се здобила Т.С., констатирани во Градската општа болница „Св.Наум Охридски“.
Увид на местото на незгодата извршила екипа од СВР Скопје.
Црна хроника
Возило удри во велосипедист и побегна

Вчера околу 14.35 часот во СВР Тетово било пријавено дека на кружен тек од бул.„Маршал Тито“ во Тетово, патничко возило „фолксваген голф“, удрило во велосипед, управуван од А.А.(55) од Тетово, по што возачот со возилото го напуштил местото на настанот.
Во незгодата со телесни повреди се здобил велосипедистот, констатирани во Клиничка болница Тетово.
Извршен бил увид од увидна екипа од СВР Тетово.
Црна хроника
Приведено лице од скопско, возел со 1,88 промили алкохол

Вчера во 19.00 часот во Делчево, полициски службеници од ОВР Делчево го лишиле од слобода О.Ј.(47) од с.Стајковци, скопско.
При контрола во патниот сообраќај, полициските службеници сопреле патничко возило, кое го управувал, и по преземени мерки било констатирано дека е под дејство на алкохол, односно дека има 1,88 промили алкохол во крвта, по што веднаш бил исклучен од сообраќај и задржан во полициска станица.
По целосно документирање на настанот, против него ќе биде поднесена пријава по член 297 – а од Кривичниот законик – „безобѕирно управување со моторно возило“.