Црна хроника
Mалолетник прободен со нож на екскурзија во Сарај

Малолетник од скопското село Крушопек со нож прободел момче од Куманово, кое било на екскурзија во скопската општина Сарај, соопшти МВР
Петнаесетгодишното момче вчера околу 15 часот пред општината Сарај се доближил до четиринаесетгодишното момче од Куманово, кое заедно со своите соученици од основното училиште „Наим Фрашери“ од Куманово биле на еднодневана екскурзија.Момчето од Крушопек без повод и причина започнало расправија со неговиот врсник, а потоа настанала и тепачка.Во еден момент тинејџерот извадил нож и го прободел неговиот врсник на левата страна на градниот кош.Момчето веднаш било пренесено во Градската болница во Скопје, каде по укажаната лекарска помош било пуштено на домашно лекување.Од страна на инспектор за малолетничка деликвенција од полициската станица „Карпош“ случајот е расчистен.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Ученик со лисици врзал соучесник во Велес и му вперил пластичен пиштол

Во СВР Велес, од Основното општинско училиште во Велес денеска во 10 часот било пријавено дека малолетен ученик во училиштето врзал со лисици негов соученик и му вперил пластичен пиштол.
Од малолетникот бил одземен пиштолот и бил предаден на полициски службеници.
За настанот бил известен јавен обвинител, Центарот за социјални работи Велес и по целосно документирање на настанот ќе биде поднесен соодветен поднесок, информираат попладнево од СВР Велес.
Црна хроника
МВР со детали за сообраќајната несреќа кај „Дајмонд“: 27-годишната скопјанка со повреди пренесена во болница

Вчера во 08.10 часот во СВР Скопје било пријавено дека на крстосница од булеварот Мито Хаџивасилев Јасмин и сервисна улица која води од булеварот кон катна гаража „23 Јули“ во Скопје, патничко возило „сеат алхамбра“ со скопски регистарски ознаки, управувано од Џ.И.(21) од село Никуштак, општина Липково, удрило во пешакот Т.С.(27) од Скопје.
Во незгодата со телесни повреди се здобила Т.С., констатирани во Градската општа болница „Св.Наум Охридски“.
Увид на местото на незгодата извршила екипа од СВР Скопје.
Црна хроника
Возило удри во велосипедист и побегна

Вчера околу 14.35 часот во СВР Тетово било пријавено дека на кружен тек од бул.„Маршал Тито“ во Тетово, патничко возило „фолксваген голф“, удрило во велосипед, управуван од А.А.(55) од Тетово, по што возачот со возилото го напуштил местото на настанот.
Во незгодата со телесни повреди се здобил велосипедистот, констатирани во Клиничка болница Тетово.
Извршен бил увид од увидна екипа од СВР Тетово.