Црна хроника
Разбојниците од „Комерцијална“ украле околу 7.000 евра

Двајцата разбојници кои утрово ја ограбија експозитурата на Комерцијална банка во скопската населба Ново Лисиче, во крим евиденцијата биле регистрирани како сторителите на повеќе кривични дела
Станува збор за двајца скопјани, едниот на триесет ипетгодишна возраст, а другиот дваесет иедногодишен. Едниот од нив е извршител на тешки кражби, разбојништва, фалсификување на исправа, а биле пријавувани и за насилство.во текот на денот тие беа однесени во полициска станица каде што во тек се разговори и проверки за евентуални други кривични дела. По целосно документирање на случајот против нив ќе бидат поднесени кривични пријави.Двајцата разбојници утрово маскирани со фантомки на главите и ракавици влегле во експозитурата а Комерцијална банка, која се наоѓа на улицата „Видое Смилевски Бато“ и со вперен револвер кон вработените, украле околу седум илјади евра.Веднаш по пријавувањето на грабежот во полиција, „Алфите“ се упатиле на местото на грабежот. По дваесетминутна потера по нив, тие се фатени зад трговскиот центар „Бисер“ во населбата „Аеродром“. Пронајден е ранец во кој се наоѓале две фантомки, две рала ракавици, револвер, украдените пари и клучеви од возило.Автомобилот „мерцедес 200 Д“, со којшто планирале да избегаат, бил пронајден на булеварот „Јане Сандански“. Возилото е предадено на вештачење.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Притворен 53-годишен дилер од Велес, продал кокаин за 50.000 евра

Основното јавно обвинителство Велес донесе наредба за спроведување истражна постапка против едно лице за кое постои основано сомнение дека сторило кривично дело – Неовластено производство и пуштање во промет наркотични дроги, психотропни супстанции и прекурсори.
„Осомничениот 53-годишник, на 29 ноември 2024 година, неовластено продал 994,8 грама кокаин на лице од Велес. Дрогата се договориле да му ја продаде за 50.000 евра, од кои околу половина од сумата купувачот-сведок оставил на договорена локација пред преземањето на пратката.“, соопшти Обвинителството.
Кокаинот тогаш беше откриен при истрага и претрес во куќа на улицата „Петар Алчев” во Велес, каде се утврди дека еден осомничен преработувал кокаин и тоа од чист кокаин во крек кокаин, а уште две лица во тоа му помагале. Против тие осомничени веќе е изречена првостепена осудителна пресуда, а со дополнителни дејствија се утврди идентитетот и на лицето кое првично ја продало дрогата.
По предлог на јавен обвинител, судија на претходна постапка од Основниот суд во Велес донесе решение со кое на осомничениот му определи мерка притвор.
Топ
Битолчанка сакала да ги убие своите баба и дедо, ги избодела со нож

Полицијата приведе жена од Битола која со нож ги избодела своите баба и дедо.
„По овластување на јавен обвинител од Основното јавно обвинителство Битола, екипи на МВР извршија увид на лице место во куќа на улицата „Солунска“, каде според првичните сознанија, внука при вршење семејно насилство се обидела да ги лиши од живот сопствените баба и дедо, нанесувајќи им повеќе убоди со нож“, соопшти Обвинителството.
Јавниот обвинител издаде повеќе наредби и насоки за целосно расчистување на настанот. Осомничената е лишена од слобода и се постапува за обезбедување докази.
Црна хроника
Полициска акција во Велес: пронајдени кокаин и над 30.000 евра

Одделот за криминалистичка полиција, Одделот за сузбивање на организиран и сериозен криминал и СВР Велес, во координација со јавен обвинител, на подрачјето на Велес спроведоа заедничка и координирана истрага против лица за кои постојат информации дека се инволвирани во случајот на купопродажба на еден килограм кокаин, кој беше запленет на 29.11.2024 и за кој СВР Велес поднесе кривична пријава против три лица.
Како дел од истрагата, денеска (11.06.2025), со наредби од Основен суд Велес, беа извршени претреси на повеќе локации во Велес и велешко.
Претреси беа извршени во куќата на А.В.(53) во Велес, во куќата, станот и викенд куќата на лицето С.С.(47) во Велес и Чашка, во куќа и плац на А.Ц.(29) во Велес и во станот на В.Л.(41) во Велес.
За време на претресите биле пронајдени и одземени кокаин, околу 37.000 евра, дигитална вага со остатоци од кокаин, мобилни телефони и други предмети за кои постои сомнение дека потекнуваат од кривично дело. Исто така, во текот на денот СВР Велес ќе поднесе кривична пријава против уште едно лице по член 215 од Кривичниот законик.