Црна хроника
Скопјанец кршел прозорци со камен и ограбувал куќи и станови

Скопјанец со камен ги кршел прозорците во куќи и станови на среде бел ден и ги ограбувал. Од јануари до април извршил три тешки кражби и една тешка кражба во обид. Еднаш месечно провалувал во домовите и ги ограбувал
Првата кражба во јануари му била неуспешна. Го скршил стаклото од прозорецот од дневната соба на првиот кат на куќа која се наоѓала на улица „Партение Зографски“.Но, при влегувањето внатре се исекол на искршеното стакло и не успеал да влезе. Се откажал и заминал.Идните кражби ги извршил на идентичен начин, го кршел стаклото од собите или се качувал на тераса и влегувал во куќите или становите. Од трите куќи украл повеќе од 2.000 евра.Полицијата го уапси и против него е поднесена кривична пријава. Истражен судија му одреди притвор од 30 дена.Скопјанецот и претходно бил пријавуван за тешки кражби во полицијата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Ученик со лисици врзал соучесник во Велес и му вперил пластичен пиштол

Во СВР Велес, од Основното општинско училиште во Велес денеска во 10 часот било пријавено дека малолетен ученик во училиштето врзал со лисици негов соученик и му вперил пластичен пиштол.
Од малолетникот бил одземен пиштолот и бил предаден на полициски службеници.
За настанот бил известен јавен обвинител, Центарот за социјални работи Велес и по целосно документирање на настанот ќе биде поднесен соодветен поднесок, информираат попладнево од СВР Велес.
Црна хроника
МВР со детали за сообраќајната несреќа кај „Дајмонд“: 27-годишната скопјанка со повреди пренесена во болница

Вчера во 08.10 часот во СВР Скопје било пријавено дека на крстосница од булеварот Мито Хаџивасилев Јасмин и сервисна улица која води од булеварот кон катна гаража „23 Јули“ во Скопје, патничко возило „сеат алхамбра“ со скопски регистарски ознаки, управувано од Џ.И.(21) од село Никуштак, општина Липково, удрило во пешакот Т.С.(27) од Скопје.
Во незгодата со телесни повреди се здобила Т.С., констатирани во Градската општа болница „Св.Наум Охридски“.
Увид на местото на незгодата извршила екипа од СВР Скопје.
Црна хроника
Возило удри во велосипедист и побегна

Вчера околу 14.35 часот во СВР Тетово било пријавено дека на кружен тек од бул.„Маршал Тито“ во Тетово, патничко возило „фолксваген голф“, удрило во велосипед, управуван од А.А.(55) од Тетово, по што возачот со возилото го напуштил местото на настанот.
Во незгодата со телесни повреди се здобил велосипедистот, констатирани во Клиничка болница Тетово.
Извршен бил увид од увидна екипа од СВР Тетово.