Црна хроника
Тешка сообраќајка, неготинец излетал низ шофершајбна

Неготинец вчера околу 19:30 часот загина во тешка сообраќајна несреќа што се случила на регионалниот пат Градско – Неготино, соопшти МВР
Четириесет иедно-годишниот Сашко Ристов на мостот на реката Црна, кај археолошкиот локалитет Стоби изгубил контрола над „голфот“ со бугарски регистерски таблици. Преминал на спротивната коловозна лента и удрил во железната ограда на мостот. Од силниот удар, Ристов излетал низ шофершајбната на автомобилот, при што починал на лице место. По извршениот увид, телото на загинатиот е предадено за обдукција и треба да се откријат причините за сообраќајната незгода. Во првите шест месеци на македонските патишта животот го загубиле 69 лица, во јули 19, а за само десетина дена од август на жешкиот асфалт имало 10 жртви. Во 2009 г. во сообраќајни несреќи животот го загубиле 160 лица, а во 2008 година, бројката е слична. Тогаш животот го загубиле 162 лица.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Ученик со лисици врзал соучесник во Велес и му вперил пластичен пиштол

Во СВР Велес, од Основното општинско училиште во Велес денеска во 10 часот било пријавено дека малолетен ученик во училиштето врзал со лисици негов соученик и му вперил пластичен пиштол.
Од малолетникот бил одземен пиштолот и бил предаден на полициски службеници.
За настанот бил известен јавен обвинител, Центарот за социјални работи Велес и по целосно документирање на настанот ќе биде поднесен соодветен поднесок, информираат попладнево од СВР Велес.
Црна хроника
МВР со детали за сообраќајната несреќа кај „Дајмонд“: 27-годишната скопјанка со повреди пренесена во болница

Вчера во 08.10 часот во СВР Скопје било пријавено дека на крстосница од булеварот Мито Хаџивасилев Јасмин и сервисна улица која води од булеварот кон катна гаража „23 Јули“ во Скопје, патничко возило „сеат алхамбра“ со скопски регистарски ознаки, управувано од Џ.И.(21) од село Никуштак, општина Липково, удрило во пешакот Т.С.(27) од Скопје.
Во незгодата со телесни повреди се здобила Т.С., констатирани во Градската општа болница „Св.Наум Охридски“.
Увид на местото на незгодата извршила екипа од СВР Скопје.
Црна хроника
Возило удри во велосипедист и побегна

Вчера околу 14.35 часот во СВР Тетово било пријавено дека на кружен тек од бул.„Маршал Тито“ во Тетово, патничко возило „фолксваген голф“, удрило во велосипед, управуван од А.А.(55) од Тетово, по што возачот со возилото го напуштил местото на настанот.
Во незгодата со телесни повреди се здобил велосипедистот, констатирани во Клиничка болница Тетово.
Извршен бил увид од увидна екипа од СВР Тетово.