Црна хроника
Петмина кумановци осомничени за злоупотреба на службена должност

В.д. директорот ма кумановското јавно претпријатие „Чистота и зеленило“ во 2007 г. е осомничен дека во 2007 г. ја злоупотребил службената положба со што незаконски е остварена материјална позла во висина од околу 15 милиони денари
Секторот за внатрешни работи во Куманово до Основното Јавно обвинителстподнело кривична пријава против Е.Б.(43), Б.Ј.(43), С.Т.(45), Д.С.(47) и Б.Ј. (38) сите од Куманово, осомничени за сторено кривично дело „злоупотреба на службената положба и овластување“За првопријавениот Е.Б. е поднесена кривична пријава и за овозможување на правни и физички лица да прибават противправна имотна полза од 14.400.800 денари, за кој износ го оштетиле јавното претрпијатие „Чистота и зеленило“ од Куманово.МВР во сабота соопшти дека првопријавениот како одговорно лице в.д. директор на ЈП „Чистота и зеленило“ во текот на 2007 г., со намера да прибави противправана имотна, а од друга страна да им нанесе штета на Фондот за пемнзиско осигурување и Фондот за здравствено осигурување, со пречекорување на границите на службеното овластување спротивно на законските прописи, склучил 131 договор за дело со 98 лица. Во договорите не биле наведени работното место и временскиот период за кој биле ангажирани лицата, додека шест лица ангажирал без никаков договор за работа, при што работејќи на ваков начин вработил лица во јавното претпријатие спротивно на законските прописи и без потребна согласност од Министерството за финансии.Во текот на 2007 г. со неизвршување на својата службена должност го оштетил ЈП на тој начин што како одговорно лице иако бил должен не преземал никакви активности за пропишување, донесување и соодветна примена на политики за начинот на одобрување и користење на специјални и лесни моторни возила, поради што сметките за гориво се раздолжувале спротивно на Законот за трговски друштва, односно без приложување на соодветни документи за поминати километри и релација. Работејќи на таков начин оневозможил утврдување на наменско користење на искажаните трошоци за нафтени деривати во износ од 4.491.000 денари.Првопријавениот во текот на 2007 г. без спроведување на постапката за јавни набавки, извршил набавка на печатен материјал и ситен инвентар во износ од 407.490 денари, а на 01.06.2007 година склучил Полиса за осигурување од последици на несреќен случај во вкупен износ од 343.800 денари, без притоа да донесе решение за јавни набавки.Заедно со второпријавената во својство претседател на Комисија за јавни набавки на ЈП, потоа третопријавениот и четвртопријавениот како членови на Комисијата за јавни набавки и петопријавената како заменик член на споменатата комисија, Е.Б. со пречекорување на службените овластувања и неизвршување на службена должност го оштетиле ЈП на начин што во текот на 2007 година спровеле две постапки за јавни набавки при што било набавено гориво и мермерни облоги во севкупен износ од 5.037.000 денари, без доследно почитување на Законот за јавни набавки
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Со мопед удрил во 13-годишен пешак и побегнал

Синоќа околу 21:10 часот во СВР Куманово, е пријавено дека на регионалниот пат с.Лојане-Граничен премин Миратовац, кај с.Лојане, општина Липково, мопед удрил во 13-годишник од с.Лојане, општина Липково по што возачот со мопедот го напуштил местото на настанот.
Во несреќата со тешки телесни повреди се здобил малолетникот, констатирани во Општата болница Куманово.
Извршен бил увид од увидна екипа од СВР Куманово и се преземаат мерки за пронаоѓање на возачот на мопедот.
Топ
21-годишно момче загина а две лица се тешко повредени во сообраќајка кај Градско

Денеска (28.08.2025) околу 00:10 часот во СВР Велес, е пријавено дека на локалниот пат с.Горно Чичево-с.Долно Чичево, општина Градско, патничко возило „бмв“ со велешки регистарски ознаки управувано од П.А.(22) од Градско, излетало надвор од коловозот.
Во несреќата со тешки телесни повреди се здобиле возачот и неговите сопатници Љ.О.(21), Б.П.(20) сите од Градско и Х.Л.(22) од с.Ногаевци, општина Градско, констатирани во Општата болница Велес.
Од здобиените повреди починал Љ.О., а од страна на лекар констатирана била смрт. По наредба на Јавен обвинител, телото на починатиот е предадено за обдукција.
Извршен бил увид од увидна екипа од СВР Велес.
Црна хроника
Маж од Австралија пронајден починат во хотелска соба во Битола

На 27.08.2025 во СВР Битола, било пријавено дека во хотелска соба во Битола бил пронајден починат С.С.(69) од Австралија.
Од страна на лекар од Итната медицинска помош констатирана била смрт без видливи траги на насилство.
Извршен бил увид од увидна екипа од СВР Битола, а по наредба на Јавен обвинител телото на починатиот било предадено за обдукција.