Црна хроника
Два дена трае потрагата по малолетници избегани од велешкиот поправен дом

Полицијата веќе два дена трага по тројца малолетни осуденици кои завчера избегале од воспитно поправниот дом во Велес
Дијана Иванова, од Велес
Отсуството на Јован П. од Битола, Петре С. од Струга и Сенад Р. од Радовиш го забележал стражарот во установата. Завчера околу четири часот утрината за бегството на тројцата затвореници осудени за сторени дела тешки кражби била информирана и полицијата. Еден час откако полицијата била информирана дека малолетниците не се во воспитно поправниот дом пријавена е и кражба на автомобил од двор на семејна куќа која се наоѓа во непосредна близина на установата. Дали има поврзаност во овие два случаи СВР Велес истражува, но засега нема официјален став. Бегството на малолетниците го потврдуваат и од Воспитно поправниот дом. Ова не е прво бегство од оваа установа, дознава Лисица. Домот е од отворен тип и досега затворениците сами се враќале откако ден или два поминувале со своето семејство. Ниту жителите на велешката населба Превалец досега не се пожалиле од затворениците. Ако се потврди дека малолетниците откако избегале од затворот го украле автомобилот ова ќе биде прв ваков случај откако постои Установата. За една недела ова е трето бегство од затвор. На почетокот на неделава, четворица затвореници, избегаа од затворот од Тетово. Полицијата фати само еден од нив. Вчера пак затвореник од Струмица избега од штипскиот затвор.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Со мопед удрил во 13-годишен пешак и побегнал

Синоќа околу 21:10 часот во СВР Куманово, е пријавено дека на регионалниот пат с.Лојане-Граничен премин Миратовац, кај с.Лојане, општина Липково, мопед удрил во 13-годишник од с.Лојане, општина Липково по што возачот со мопедот го напуштил местото на настанот.
Во несреќата со тешки телесни повреди се здобил малолетникот, констатирани во Општата болница Куманово.
Извршен бил увид од увидна екипа од СВР Куманово и се преземаат мерки за пронаоѓање на возачот на мопедот.
Топ
21-годишно момче загина а две лица се тешко повредени во сообраќајка кај Градско

Денеска (28.08.2025) околу 00:10 часот во СВР Велес, е пријавено дека на локалниот пат с.Горно Чичево-с.Долно Чичево, општина Градско, патничко возило „бмв“ со велешки регистарски ознаки управувано од П.А.(22) од Градско, излетало надвор од коловозот.
Во несреќата со тешки телесни повреди се здобиле возачот и неговите сопатници Љ.О.(21), Б.П.(20) сите од Градско и Х.Л.(22) од с.Ногаевци, општина Градско, констатирани во Општата болница Велес.
Од здобиените повреди починал Љ.О., а од страна на лекар констатирана била смрт. По наредба на Јавен обвинител, телото на починатиот е предадено за обдукција.
Извршен бил увид од увидна екипа од СВР Велес.
Црна хроника
Маж од Австралија пронајден починат во хотелска соба во Битола

На 27.08.2025 во СВР Битола, било пријавено дека во хотелска соба во Битола бил пронајден починат С.С.(69) од Австралија.
Од страна на лекар од Итната медицинска помош констатирана била смрт без видливи траги на насилство.
Извршен бил увид од увидна екипа од СВР Битола, а по наредба на Јавен обвинител телото на починатиот било предадено за обдукција.