Мажот чие безживотно тело во недела попладне беше пронајдено во автомобил со убодни рани кај тетовското село Тераце, бил таксист соопштии во понеделник Министерството за внатрешни работи.

Убиениот е идентификуван како Рефет Асани, а неговото безживотно тело било пронајдено вчера попладне во местото викано Планиште, во атарот на Теарце, во такси возило марка „фолксваген венто“. На неговото тело се констатирани повеќе рани на главата и телото, нанесени со остар предмет. Како што информираат од МВР, телото на убиениот е предадено на обдукција. Засега полицијата нема осомничени за убиството, ниту, пак, се познати мотивите за ова дело.Тетовската полиција во недела околу 15 часот покрај реката Бистрица кај селото Теарце во автомобил марка „фолсваген венто“ кој бил во сопственост на 52-годишник од селото Добарце, пронашла починат маж со неколку убодни рани од остар предмет. Попроверката било констатирано дека автомобилот му бил продаден ан Асани.