Црна хроника

Судење за тројно убиство во Скопје – „Убив за да си ги спасам децата”

Објавено пред

10 години

- 23 ноември, 2010

Од

Пред петчлениот судски совет и полна сала роднини на жртвите проговори Тони Денковски, обвинет за трикратно убиство во Скопје во ресторанот „Биг фиш“

Тони Денковски до денеска молчеше за мотивите поради кои со автоматска пушка изрешета тројца во септември годинава. Убиени беа Јордан Јорданов, Влатко Андреевски и Владо Милошев.„Морав. Немав друг излез. Ми се закануваа дека ќе ги повредат децата”, кажа Денковски пред судот и ја раскажа целата приказна зошто посегнал по автоматската пушка и каде бил по убиството.„Пред неколку месеци Јорданов ми побара пари за долг кој го немав. Долгот го измисли. Наводно сум му должел пари за автомобил купен пред повеќе години. Се работеше за 11 илјади евра. Никогаш не сум му должел пари а тој и негови луѓе секојдневно ми ги бараа”, раскажуваше Денковски пред судот.Појасни дека се обидел да се види со Јорданов за да се разберат околу долгот, но Јорданов упорно го одбивал.Луѓето што му се јавувале му велеле: ” Немој да ги криеш децата со различни автомобили. Знаеме каде оди ќерката, а и синот. Син ти личи на женско па може и да го прошетаме. А после можеби и ќе ти каже како си поминал”, биле заканите кои Денковски ги добивал секојдневно по телефон.Вечерта кога се случило убиство Денковски влегол да вечера во ресторанот каде ги виделе Јорданов и неговите пријатели. По кратко време Јорданов му покажал на часовникот и му рекол за половина час да донесе пари, по што Денковски излегол од ресторанот.Автоматската пушка ја зел од куќа во населбата Припор. Се вратил и го изрешетал Јорданов.Пред да пука само му рекол: „Дигни ја главата”. Видел дека некој од масата се фатил за појас и најверојатно од страв да не извадат пиштоли ги убил и другите. Потоа заминал со такси кон Куманово каде на првата патарина се симнал.Останал цела вечер во околните ниви, утредента отишол во полиција и со зборовите „јас сум за пукањето” се предал.Беа сослушани и двајца сведоци, девојката која не беше повредена а беше на маса со убиените и сведок на пукањето. Девојката не зборуваше само кажа дека сите детали ги кажала во истрага а момчето рече дека денковски кога влегувал во ресторанот имал тап поглед.

©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Поврзани Артикли:

Следно

Се трага по 12- годишно дете кое паднало во река во струшко

Претходно

Двајца загинати и двајца повредени во сообраќајка кај Кичево

Црна хроника

Казнети 202 возачи во Скопје

Објавено пред

3 часа

- 21 јануари, 2021

Од

Макфакс

Министерството за внатрешни работи во текот на вчерашниот ден продолжи со засилените акциски контроли во областа на сообраќајот. Само на територијата на град Скопје изречени се вкупно 202 мерки, меѓу кои за возење без возачка дозвола 17 санкции, 19 мерки за технички неисправни и нерегистрирани возила, 22 за користење мобилен телефон. Изречени се седум санкции за непочитување на брзината на движење, пет за минување на затворен сигнал (црвено светло), 58 мерки за непрописно паркирани возила и 20 санкции за неносење заштитна маска.

„Засилените сообраќајни контроли продолжуваат и во наредните денови. Апелираме до граѓаните да ги почитуваат сообраќајните правила и прописи за да ја зголемиме безбедноста во сообраќајот“, велат од МВР.

Прикажи повеќе...

Црна хроника

Казнети 358 лица за неносење маска

Објавено пред

4 часа

- 21 јануари, 2021

Од

Макфакс

Во текот на изминатото деноноќие на територијата на Република Северна Македонија во однос на мерката за носење лична заштита на лицето регистрирани се 358 прекршоци.

Министерството за внатрешни работи апелира до граѓаните да ги почитуваат мерките и протоколите донесени од Владата со цел справување со Ковид-19.

Прикажи повеќе...

Црна хроника

Вработена во МЕПСО го оштетила буџетот на компанијата за над 360.000 евра

Објавено пред

5 часа

- 21 јануари, 2021

Од

Макфакс

Управата за финансиска полиција поднесе кривична пријава против К. Г. во својство на член на Управниот одбор на АД МЕПСО во периодот од 24.6.2009 до 17.2.2016 година и одговорен проект-менаџер за имплементација на компјутеризиран деловен информациски систем за несовесно работење, со што ја оштетила компанијата за над 360.000 евра.

„Пријавената К. Г., во својство на одговорен проект-менаџер за Пакет 14 – Набавка и имплементација на компјутеризиран деловен информациски систем (БИС), финансиран од заемот на Светската банка – ECSSE APL – 3 Macedonian project, во 2016 година несовесно постапила во вршење на своите овластувања и должности на начин што потпишала и потврдила прием и имплементација и овозможила плаќање на бизнис-информациски систем, набавен од конзорциумот ‘Кинг ИЦТ’ ДООЕЛ Скопје и ‘Кинг ИЦТ’ ДООЕЛ Загреб иако испорачаниот систем не бил функционален, односно не бил изработен во согласност со техничките спецификации, одделни модули давале погрешни податоци и извештаи, договорените и платени продукциски лиценци никогаш не биле инсталирани ниту, пак, во гарантниот период презела соодветни мерки и дејства со кои би се исправиле сите недостатоци и купениот софтвер би се интегрирал целосно во согласност со договорените спецификации и на тој начин го оштетила буџетот на АД МЕПСО за износ од 22.215.675,00 денари“, соопшти Управата за финансиска полиција.

Прикажи повеќе...