Црна хроника
Седумгодишен штитеник од домот „11 Октомври“ најден мртов
Седумгодишно дете, штитеник на Домот за деца без родители „11 октомври“, е најдено мртво покрај пругата Скопје – Велес во скопското село Драчево, соопшти МВР
Телото на момчето го забележал случаен минувач вчера околу 10:30 часот, кој што веднаш пријавил во полиција.Од првичниот увид, на телото на момчето биле забележани сериозно повреди на главата и телото. Безживотното тело е предадено на обдукција, која треба да ги открие причините за смртта.Се претпоставува дека момчето било удрено од воз, но не се исклучува и друг вид на насилство.Седумгодишниот Мартин Тасев од Штип, кој бил заедно во домот со неговиот брат, бил пријавен за исчезнат на 18 -ти октомври.Министерот за труд и социјална политика, Џељаљ Бајрами вели дека детето избегало од основното училиште „Кочо Рацин“.За него е сомнително како дете од седум години, примено во Домот во септември, се одлучило да побегне од училиштето и да замине со воз во некој од градовите во Македонија.„За мене сомнително е, како тоа дете со седум и пол години примено во домот во септември, истото се одлучува да побегне од училиштето и одлучува да замине со воз за некој од градовите во Македонија од населбата Драчево. Јас сум од Куманово, да побара од мене да го носам, не би можел да знам. Многу ми е симптоматично тоа, како детето можело да замине за Драчево“ вели Бајрами.Тој ги повика истражните органи да ги испитаат сознанијата на братот на детето со кого заедно побегнале.„Истиот ден кога децата побегнале од институцијата ги однеле до училиштето каде требале да бидат до попладневните часови и потоа ги земаме од училиштето. Бегството се случило додека тие биле во училиште“ вели Бајрами.Во врска со случајот на седум ипол годишен штитеник на Домот за деца без родители, кој во петокот беше пронајден мртов, од Министерството за труд и социјална политика информираа дека истрагата што ја спровеле покажала дека несреќното дете заедно со неговиот брат на 18 ноември околу побегнале од наставата во основното училиште „Кочо Рацин“. За ова веднаш биле известени нивниот старател и директорот на Домот за деца без родители, коишто до надлежните органи го пријавиле нивното исчезнување. Поголемиот брат е пронајден од органите на полицијата на 22 ноември во Битола од каде бил повторно вратен во Домот за деца без родители и од каде што истиот ден повторно побегнал.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Истрага против четири лица за пронајдени дрога и оружје во Брвеница
Тетовското обвинителство поведе истражни постапки против вкупно 4 лица по оретресите во Брвеница, во кои беше пронајдена наркотична дрога и оружје.
Тројца од нив се осомничени за кривично дело – Неовластено изработување, држење, посредување и тргување со оружје и експлозивни материи од член 396 од Кривичниот законик.
Така, кај еден осомничен биле пронајдени пиштол со 2 куршуми во рамка и уште 20 куршуми за автоматска пушка. Кај друг осомничен полицијата пронашла 55 куршуми, oд кои 53 куршуми боева муниција забранета за граѓаните, додека кај третиот бил пронајден пиштол без шаржер.
Четвртото лице кај себе држело 3,15 грама кокаин во моментот на претресот, поради што му е поведена истрага за – Неовластено производство и пуштање во промет наркотични дроги, психотропни супстанции и прекурсори од член 215 од Кривичниот законик.
По краткотрајниот 48-часовен притвор за обезбедување докази, јавниот обвинител до судијата на претходна постапка од Основниот суд во Тетово достави предлог за определување мерка притвор за тројца осомничени, додека за еден се предложени мерки на претпазливост.
Црна хроника
Со џип му го пресекол патот и му се заканувал со пиштол: драма во Скопско
На 29.01.2026 околу 15:00 часот во СВР Скопје, Н.М.(43) од с. Долно Свиларе, скопско, пријавил дека околу 11:15 часот во с.Долно Свиларе, додека се движел со патничко возило, му бил пресечен патот од возило „џип“, управувано од Р.Н..
Тој излегол од возилото и му се заканувал со пиштол на пријавителот.
Полицијата информира дека се преземаат мерки за целосно расчистување на случајот.
Црна хроника
Со остар предмет им се заканувал на снаата и синот па искршил дел од покуќнината
Утрово во 03:50 часот полициски службеници од СВР Скопје извршија службен разговор со Б.Ш.(65) од Скопје.
ПОлицијата постапила по претходна пријава од неговата 58-годишна снаа дека на 29.01.2026 околу 22:00 часот во семејниот дом во Скопје, тој по претходна вербална расправија, со остар предмет упатил закани кон неа и нејзиниот 30-годишен син, а потоа искршил дел од покуќнината.
По целосно документирање на случајот, ќе следува соодветен поднесок, информираат надлежните.

