Поголемо количество на оружје било пронајдено во домот на еден жител на скопското село Кондово, соопшти денеска Министерството за внатрешни работи

По претходно добиени оперативно сознанија дека пријавениот во својот дом држи поголемо количество оружје, припадници на полицијата со претходно обезбедена судска наредба извршиле претрес во домот на М.Ф. во село Кондово. Притоа биле  откриени и запленети: еден рачен фрлач, една мина за рачен фрлач, една рамка за автоматска пушка, две плетени капи- фантомки и еден тактички елек. „СВР Скопје до надлежното обвинителство поднесе кривична пријава против 52. годишниот М.Ф. од Скопје, поради постоење основано сомнение дека сторил кривично дело – “недозволено изработување, држење и тргување со оружје или распрскувачки материи““, се наведува во соопштението.Во средата при претрес во домот на шеесет и двегодишен скопјанец во село Грчец, полицијата пронајде три пиштоли, 81 куршум, една ловна пушка и 50 патрони, информираат од МВР.Пиштолот марка „Бровинг“ го набавил пред 20 години од Белгија, а двата пиштоли „М57“ ги има подолго време, околу 15 години, додека пак ловната пушка била сопственост на неговиот покоен татко кој ја поседувал со дозвола.Против него ќе биде поднесена прекршочна пријава. Инаку, приведеното лице и било претходно познато на полицијата за извршување на кривично дело областа на крвните деликти.