Црна хроника
Митриновски се премисли – одлуката за Бајруш на Врховен била основана

Претседателот на Апелациониот суд, Јордан Митриновски се премисли, пресудата на Врховен суд со која се преиначува одлуката на Апелација да му одреди домашен притвор на Бајруш Сејдиу со гаранција од 1,4 милиони евра, била основана.
„Ја разгледавме пресудата на Врховниот суд и оценивме дека таа пресуда е основана и ние како понизок суд ќе ја почитуваме таа одлука на повисокиот суд“ изјави Јордан Митриновски, кој вели дека ова е официјален став на скопска Апелација.Иако Митриновски до вчера тврдеше дека одлуката на Врховниот суд била неоснована и незаконска, денеска не ги коментира овие ставови и вели дека тоа што го кажал биле негови лични ставови.По одлуката на Апелациониот суд обичниот притвор на кумановскиот бос, Бајруш Сејдиу да го замени со домашен притвор и гаранција, Врховниот суд ја преиначи одлуката со што Бајруш останува во притвор во Шутка, а поведе постапка и за нестручно работење за Митриновски и судијата Исмаил Лимани.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Ученик со лисици врзал соучесник во Велес и му вперил пластичен пиштол

Во СВР Велес, од Основното општинско училиште во Велес денеска во 10 часот било пријавено дека малолетен ученик во училиштето врзал со лисици негов соученик и му вперил пластичен пиштол.
Од малолетникот бил одземен пиштолот и бил предаден на полициски службеници.
За настанот бил известен јавен обвинител, Центарот за социјални работи Велес и по целосно документирање на настанот ќе биде поднесен соодветен поднесок, информираат попладнево од СВР Велес.
Црна хроника
МВР со детали за сообраќајната несреќа кај „Дајмонд“: 27-годишната скопјанка со повреди пренесена во болница

Вчера во 08.10 часот во СВР Скопје било пријавено дека на крстосница од булеварот Мито Хаџивасилев Јасмин и сервисна улица која води од булеварот кон катна гаража „23 Јули“ во Скопје, патничко возило „сеат алхамбра“ со скопски регистарски ознаки, управувано од Џ.И.(21) од село Никуштак, општина Липково, удрило во пешакот Т.С.(27) од Скопје.
Во незгодата со телесни повреди се здобила Т.С., констатирани во Градската општа болница „Св.Наум Охридски“.
Увид на местото на незгодата извршила екипа од СВР Скопје.
Црна хроника
Возило удри во велосипедист и побегна

Вчера околу 14.35 часот во СВР Тетово било пријавено дека на кружен тек од бул.„Маршал Тито“ во Тетово, патничко возило „фолксваген голф“, удрило во велосипед, управуван од А.А.(55) од Тетово, по што возачот со возилото го напуштил местото на настанот.
Во незгодата со телесни повреди се здобил велосипедистот, констатирани во Клиничка болница Тетово.
Извршен бил увид од увидна екипа од СВР Тетово.