СВР Охрид поднесе кривична пријава против 39-годишен охриѓанец поради постоење основано сомнение дека е сторител на кривичното дело „Измама“ по што од страна на Истражен Судија при Основниот Суд во Охрид, одредена му е мерка притвор во траење од 30 дена

Пријавениот, во периодот од месец април минатата до јули оваа година, со намера за себе да присвои против-правна имотна корист, во заблуда донел холандски државјанин лажно прикажувајќи документи дека ќе му овозможи стекнување приходи од издавање на куќа и луксузен апартман со што за себе остварил имотна корист од 237.150 евра.Со цел да го уреди својот дом, пријавениот  во мај 2009 г., му предложил на холандскиот државјанин тој да инвестира во реновирање и доградба на неговата куќа во Охрид, ветувајќи му поделба на куќата на пола, а потоа куќата ќе требало да се издава на лица од француската амбасада за сума од 30 илјади евра. Во текот на летниот период лани, кога холандскиот државјанин дошол на одмор во Охрид, пријавениот го однесол кај станбен објект во изградба во близина на општината и му кажал дека имал намера да го купи последниот кат со околу 142 м2 и да го претвори во луксузен апартман кој ке го издавал на странци од Турција и Франција. Да биде поубедлив, пријавениот го запознал со еден приватен стопанственик од Охрид претставувајќи го како градител на објектот. Доведен во заблуда дека со издавање на апартманот ќе стекнат приходи од 30 илјади евра годишна кирија и дека апартманот ќе биде во целосна сопственост на холандскиот државјанин, истиот во неколку наврати на пријавениот Б.К. му дал вкупно 115.650 евра.Со образложение за полесно и побрзо издавање под ќирија на куќата и апартманот, пријавениот  од оштетениот побарал и мебел и уметнички дела за нивно опремување за што преку холандска компанија, му бил испорачан луксузен мебел, уметнички дела и антиквитети во вредност над 50 илјади евра.Инаку, против пријавениот се води судска кривична постапка за кривично дело „Бесправно градење“ за неговата куќа. Пријавениот во 2008 г. на преку е-маил контакти се запознал со оштетениот, лажно претставувајќи се дека е менаџер во Канада со своја куќа која ја продал заради студии како контролор на летање во Прага и дека во Охрид е значајна и почитувана личност/