Црна хроника
Во Битола приведен дилер на хероин

Битолската полиција поднесе кривична пријава против 29-годишниот битолчанец со иницијали Е.У. заради постоење основано сомневање дека стори кривично дело „неовластено производство и пуштање во промет на наркотични дроги, психотропни супстанции и прекурзори“.
„Бидејќи Одделот за недозволена трговија со дроги при СВР Битола подолг временски период наназад располага со оперативни сознанија дека пријавениот се занимава со неовластено пуштање во промет на наркотични дроги, вчера кај него беше извршен личен преглед и беше пронајдена непозната прашкаста материја“, вели портпаролот на СВР Битола мр. Ѓоко Стрезовски. Исто такаво понеделникот, од страна на полициски службеници бил извршен претрес во домот на пријавениот на битолската улица „Караорман“. „Пронајдени се четири најлонски пакувања со непозната прашкаста материја и едно пластично шише со непозната материја. Констатирано е дека се работи за хероин со вкупна маса од 33,6 грама, “ вели Стрезовски. Пријавениот дрогата ја набавил во странство и илегално ја внесол во Македонија. Пријавениот заедно со кривична пријава е предаден на истражен судија од битолскиот основен суд кој му одредил притвор до 30 дена.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Уапсени двајца битолчани за незаконит лов, во нивното возило пронајдени две срни

Полицијата уапси двајца битолчани за „незаконит лов“, а во нивното возило се пронајдени две уловени срни.
Вчера околу 10:30 часот на крстосница за с.Брод, општина Новаци, полициски службеници ги лишија од слобода С.Ф.(51) и В.Ф.(26), двајцата од Битола.
При преглед во возилото „форд“ со битолски регистарски ознаки, управувано од С.Ф., а сопатник бил В.Ф., пронајдени се еден карабин и две ловечки пушки со дозволи, неколку уловени пајки, за кои, исто така, поседувале дозвола за лов, како и две уловени срни за кои не поседувале дозвола за лов.
Тие се задржани во полициска станица и по целосно документирање на случајот против нив ќе биде поднесена соодветна пријава.
Црна хроника
Автомобил удри во пешак во Битола, со тешки повреди пренесен во болница

Вчера во 21:05 часот во СВР Битола е пријавено дека на ул.„Филип Втори Македонски“ во Битола, патничко возило „бмв“ со битолски регистарски ознаки, управувано од П.Л.(26) од Битола, удрило во 21-годишната П.Т.М. од Гевгелија, со престој во Битола.
Во несреќата со тешки телесни повреди се здобила П.Т.М., констатирани во Клиничката болница Битола.
Извршен бил увид од увидна екипа од СВР Битола.
Црна хроника
Уапсени петмина пијани возачи: казни за брзо возење за 296 лица во текот на викендот

Во текот на изминатиот викенд (27/28.09.2025) како резултат на редовните сообраќајни контроли што ги реализириаат полициските службеници од сите сектори за внатрешни работи на патиштата низ земјава, од вкупно 1.156 издадени платни налози поголемиот дел од нив, односно 296 прекршоци се однесуваат на возачи кои што не ја почитувале пропишаната брзина на движење.
Според статистичкиот преглед од полициските активности, евидентирани се 156 прекршоци за неправилно паркирање, 136 прекршоци се изречени за возачи што управувале возила без возачки доволи, како и 95 прекршоци за возачи кај кои е регистрирано присуство на алкохол над законски дозволеното ниво.
Од друга страна пак, исто така согласно одредбите од Законот за безбедност на сообраќајот на патиштата во текот на изминатиот викенд санкционирани биле и 16 возачи на мотоцикли заради неносење заштитен шлем, потоа 40 лица заради користење на мобилен телефон при возење, 11 мерки за возачи што минале на црвено светло, како и 57 учесници во сообраќајот кои што не користеле сигурносен појас. Согласно Законот за возила, 20 возила се отстранети од сообраќај заради тоа што биле нерегистрирани, а едно заради техничка неисправност.
Исто така во текот на изминатиот викенд, а врз основа на членот 297-а од КЗ на РСМ (“безобѕирно управување со возило“) лишени од слобода се пет возачи заради прекумерно присуство на алкохол во крвта (над 1,5 промили).
Сообраќајните контроли продолжуваат и во наредниот период. Апелираме со сите учесници во сообраќајот да се почитуваат сообраќајните правила и прописи и сите заедно да придонесеме за подобри, посигурни и побезбедни патишта низ државата.