Црна хроника
Момче прободено со нож во расправија за девојка

Деветнаесетгодишно момче од Гостивар синоќа било прободено со нож во градите во расправија за девојка, соопштува МВР
Расправијата започнала околу 23 часот во интернет кафе кое се наоѓало на улица Никола Парапунов во Гостивар. Деветнаесетгодишното момче кое било вработено во интернет кафето започнало расправија со една година помало момче од селото Чегране бидејќи биле заинтересирани за иста девојка.Најпрвин го предупредил да не вика гласно за да не им пречи на гостите во кафулето. Наместо да се смири го прободел момчето со нож во градите.Напаѓачот побегнал, а гостите во интернет кафето го префрлиле прободеното момче најпрвин во болницата во Гостивар, а потоа поради сериозните повреди било пренесено во Скопје.Полицијата го привела напаѓачот и против него ќе биде поднесена кривична пријава.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Пронајден хашиш кај Италијанец на паркинг на Средно Водно, одреден му е притвор

Вчера околу 21:00 часот на паркинг простор на Средно Водно од страна на полициски службеници од Единицата за интервентна полиција при СВР Скопје од слобода е лишен 27-годишниот Л.Т. од Република Италија. При извршен преглед кај него е пронајден хашиш.
Од страна на Единицата за недозволена трговија при СВР Скопје против Л.Т. е поднесена кривична пријава по итна постапка до надлежен обвинител, а од страна на судија на претходна постапка му е одредена мерка 30-дневен притвор во КПУ Скопје.
Црна хроника
Маж од Богданци ја истепал сопругата, со која се во бракоразводна постапка, во кафеана

Вчера во 23:15 часот во Полициската канцеларија Богданци, 35-годишна жена од Богданци пријави дека околу 21:40 часот во угостителски објект во Богданци била физички нападната од нејзиниот сопруг К.Т.(43) од Богданци, со кого се во бракоразводна постапка.
За настанот е известен јавен обвинител и се преземаат мерки за расчистување на случајот.
Црна хроника
Опожарен трансформатор на ЕВН, нема повредени лица

Вчера во 21:50 часот во СВР Штип е пријавено дека во село Криви Дол, штипско, настанал пожар на трансформатор, во сопственост на ЕВН Македонија.
Повредени лица нема. Екипа од Територијалната противпожарна единица Штип го изгасиле пожарот.