Црна хроника
Хаџибулиќ и Лесковица го „повторија“ убиството кај Универзална

Полициско обезбедување, затворена улица, специјалци и двајцата обвинети за убиството кај Универзална сала, Хаџибулиќ и Лесковица со лисици на рацете
Во вторникот во центарот на Скопје имаше идентична слика како пред десет месеци, кога се случи убиството кај Универзална сала.По барање на судот се реконструираше убиството пред Универзална сала кое се случи на 15 март пред кафе–барот „Карма“, кога беше убиен триесет и четири годишниот Мирсан Криешторац.Се утврдуваа точките на раздалеченост меѓу актерите на настанот, се правеше фото-албум кој ќе се спореди со фото-албумот кој бил направен на денот на убиството.Адвокатите на обвинетите велат дека денешната реконструкција се совпаѓа со изјавите на Хаџибулиќ дадени во истражата постапка, како и со она што го кажал Кучевиц.На кобниот ден Харун Хаџибулиќ и Јасмин Лесковица одлучиле да го завршат партнерството за отворање стриптиз бар заедно со Кенан Кучевиц и Мирсан Криешторац.Крај на бизнисот му ставија со убиство. Според обвинението, двајцата го претепале Кучевиц, а Јасмин испразнил цел шаржер во телото на Криешторац. Но по убиството, двајцата не избегаа далеку. Полицијата ги уапси само на неколку чекори од влезот каде што беше застрелан Мирсан. Сега Лесковица е пред суд за убиство, а Хаџибулиќ за помагање.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Со мопед удрил во 13-годишен пешак и побегнал

Синоќа околу 21:10 часот во СВР Куманово, е пријавено дека на регионалниот пат с.Лојане-Граничен премин Миратовац, кај с.Лојане, општина Липково, мопед удрил во 13-годишник од с.Лојане, општина Липково по што возачот со мопедот го напуштил местото на настанот.
Во несреќата со тешки телесни повреди се здобил малолетникот, констатирани во Општата болница Куманово.
Извршен бил увид од увидна екипа од СВР Куманово и се преземаат мерки за пронаоѓање на возачот на мопедот.
Топ
21-годишно момче загина а две лица се тешко повредени во сообраќајка кај Градско

Денеска (28.08.2025) околу 00:10 часот во СВР Велес, е пријавено дека на локалниот пат с.Горно Чичево-с.Долно Чичево, општина Градско, патничко возило „бмв“ со велешки регистарски ознаки управувано од П.А.(22) од Градско, излетало надвор од коловозот.
Во несреќата со тешки телесни повреди се здобиле возачот и неговите сопатници Љ.О.(21), Б.П.(20) сите од Градско и Х.Л.(22) од с.Ногаевци, општина Градско, констатирани во Општата болница Велес.
Од здобиените повреди починал Љ.О., а од страна на лекар констатирана била смрт. По наредба на Јавен обвинител, телото на починатиот е предадено за обдукција.
Извршен бил увид од увидна екипа од СВР Велес.
Црна хроника
Маж од Австралија пронајден починат во хотелска соба во Битола

На 27.08.2025 во СВР Битола, било пријавено дека во хотелска соба во Битола бил пронајден починат С.С.(69) од Австралија.
Од страна на лекар од Итната медицинска помош констатирана била смрт без видливи траги на насилство.
Извршен бил увид од увидна екипа од СВР Битола, а по наредба на Јавен обвинител телото на починатиот било предадено за обдукција.