Триесет и двегодишен скопјанец загина во сообраќајна несреќа синоќа на локалниот пат ‘Ржаничино – Таор.

„Патничко возило ‘хонда’, со скопски регистарски ознаки, управувано од И. Б. (32) од Скопје, излетало од патот. Возачот починал на местото на незгодата, а смрт констатирал лекар од итната медицинска помош. Увид на местото извршила екипа од СВР Скопје“, велат од МВР.

По наредба на јавен обвинител, телото на починатиот било дадено на обдукција.

Полицијата поднесе кривична пријава против А. М. (34) од селото Долно Палчиште, Тетовско, поради измама.

Во април 2021 година пријавениот се сретнал со В. Џ. (33) од Тетово и се договориле да го купи неговото возило „фолксваген пасат“, но да му плати наредниот ден.

„Наредниот ден В. Џ., пребарувајќи на интернет-страниците за продажба за возила, го забележал објавено неговото возило за продажба по што веднаш го побарал пријавениот, но тој не му се јавувал“, велат од МВР.

Триесет и петгодишна жена од Гостивар вчера паднала од тераса.

„Таа е пренесена на ургентно одделение во Медицински центар Гостивар, каде што ѝ биле констатирани тешки телесни повреди“, велат од МВР.

Се работи на расчистување на случајот.