Црна хроника
Кај бездомник најдена бомба и револвер
Во саботата гостиварската полиција поради сомневање за кражба привела 40-годишо лице од селото Речане, а при претресот пронашла рачна бомба и револвер без фабрички број
Во квечерните часови во саботата припадници на полициската станица од Гостивар во отпадот „ВЕК“ во селото Здуње го привеле 40-годишникот од селото Речане кој бил осомничен за кражба. Притоа при претстресот на возилото „нисан сани“ без таблички кое било оставено на отпадот а кое на вработениот му служело како преноќиште била пронајдена рачна бомба „кашикара“. По приведувањето од разговорот со осомничениот, полицајците утврдиле и дека тој на отпадот имал сокриено и револвер од кој бил отстранет фабричкиот број кој со претрага бил подоцна пронајден. Од Министерството за внатрешни работи, информираат дека гостиварската полиција во текот на денот презема мерки за документирање и расчистување на случајот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Инцидент во филијала за брзи кредити на Бит Пазар: маж со оружје се обидел за земе пари
Инцидент се случил вчера во филијала за брзи кредити на подрачјето на Бит Пазар.
Маж со закана со огнено оружје се обидел да одземе пари од вработената, но во намерата бил спречен од странка во објектот, по што го напуштил местото на настанот, информираа од МВР.
Се преземаат мерки за расчистување на случајот.
Црна хроника
Девојчиња истепани од нивни врснички во Карпош
Две девојчиња биле нападнати вчера од малолетнички на подрачјето на Карпош.
Случајот во МВР го пријавил еден од родителите на девојчињата.
„Околу 18.00 часот, на подрачјето на Карпош, малолетно девојче и неговата другарка биле физички нападнати од две други малолетнички“, објави полицијата.
По целосно документирање на случајот ќе следува соодветен поднесок.
Црна хроника
Покрив и кат од семејна куќа изгореа во Струмица
Денеска околу 09:30 часот во пожар изгореа покрив и кат од семејна куќа на улицата „Спиро Захов“ во Струмица, соопштија од ТППЕ Струмица.
Пожарот го гаснеле три против пожарни возила и 10 пожарникари, кои успеале навреме да го локализираат и ликвидираат и спречиле да се прошири и да предизвика поголема штета.
Во пожарот нема повредени лица, а предизвикана е материјална штета.