Црна хроника
Уапсен уште еден припадник на „Франкфурт мафија“

Припадник на ткн. „Франкфурт мафија“ во четвртокот е уапсен во скопската населба Кисела Вода, информираат од МВР
Двасет ичетиригодишниот скопјанец е уапсен бидејќи по него бил изречен триесетдневен притвор од страна на судот. Уапсениот се товари за кривично дело „перење пари и други приносиПред две седмици уште пет лица беа приведени во продолжението на полициската акција „Диригент“ која има за цел сузбивање на таканаречената „Франкфуртска мафија“ која се занимава со трговија на наркотици и перење пари во Австрија и Германија. Кон крајот на минатата година австриската полиција во Виена уапси 69 лица кои се сомничат дека се членови на македонска криминална група, која се занимава со шверц на дрога во западна Европа. Тоа според, Сојузната канцеларија за криминалистички истраги во Виена, е една од најголемите полициски операции против организираниот криминал во Европа. Во текот на операцијата на австриската полиција биле спроведени неколку десетици рации.Претходиот ден македонската полиција во вчерашната акција „Диригент“ уапси 29 лица од четири града, а меѓу уапсените се и организаторите на озлогласената „Франкфурт мафија“. Во акцијата во Скопје, Велес, Гевгелија и Свети Николе учествуваа 350 полицајци, а уапсен е Зоран Манасков – Скршениот, Спасе Димовски – Ајдукот и неговиот син Томе Димовски сите од Велес.„Франкфуртска мафија“ се формира кон средината на деведесеттите години од минатиот век, кога неколку велешани почнуваат со продажба на дрога во овој германски град.За само неколку години тие регрутираат десетици млади од градот што доаѓаат во Германија и почнуваат да работат за нив и да продаваат дрога. Секој член на оваа група имал своја задача, врбување, регрутирање, транспорт и дистрибуција на хероин и продажба.Тие успеале да завладеат со наркопазарот во Франкфурт благодарение на тоа што ја намалиле продажната цена на дрогата и ги зеле клиентите на нивните ривали, криминална група составена од Албанци од Косово, Албанија и од Македонија.Откако операцијата во Франкфурт била загрозена, тие се селат во Виена и на ист начин го освојуваат наркопазарот.Според информациите на австриската полиција, тие имале месечен обрт и до еден и пол милиони евра.Од октомври минатата година до февруари годинава во операцијата кривично се гонат 55 лица од кои 22 за „неовластено производство на наркотични дроги, психотропни супстанции и прекурзори“ и 33 за „перење пари и други приноси од казниво дело“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Полуматуранти нападнати во Скопје од повеќе врсници – пријавени два случаи за помалку од 4 часа

Во Скопје на 5 јули биле пријавени два одделни случаи на физички напади врз малолетници, случени во различни делови на градот.
Во првиот случај, 48-годишната Ф.Б. пријавила дека околу 18 часот на подрачјето на Бит Пазар, нејзиниот 15-годишен син бил нападнат од тројца малолетници, од кои еден употребил тврд предмет.
Во вториот случај, 44-годишниот В.Д. пријавил дека околу 14:20 часот во Градскиот трговски центар во Центар, неговиот 14-годишен син бил нападнат од неколку малолетници.
Се преземаат мерки за целосно расчистување на двата случаи.
Црна хроника
Уапсен жител на Батинци откако нападнал полицаец во Центар по сообраќајна незгода

Жител на село Батинци е уапсен рано утринава во Скопје, откако физички нападнал полициски службеник кој постапувал по пријава за нарушен јавен ред и мир во Центар, по сообраќајна незгода.
Инцидентот се случил околу 01:20 часот, а приведениот е 25-годишниот А.Т.
Се работи на целосно документирање на случајот, по што ќе следува соодветен поднесок.
Црна хроника
Тетовец ограбен кај Петровец по договорена средба со пријателка

Жител на Голема Речица вчера бил ограбен на подрачјето на Петровец од две машки лица, од кои едното било вооружено.
Според информациите од полицијата, грабежот се случил откако претходно договорил средба со пријателка од Куманово, па бил пресретнат од лицата кои биле во автомобил.
Му биле одземени пари и мобилен телефон. Се преземаат мерки за целосно расчистување на случајот.