Црна хроника
Доживотна казна затвор за Тони Денковски
На доживотна казна затвор денеска е осуден Тони Денковски, извршителот на тројното убиство во рибниот ресторан „Биг Фиш“ во скопската населба Аеродром
Судскиот совет го прогласи за виновен за кривичното дело убиство и недозволено држење и управување со оружје.За кривичното дело убиство, Денковски доби доживотна затворска казна, додека за второто обвинение, беше осуден на пет години затвор.Судскиот совет ја одреди максималната казна бидејќи сметал дека во овој случај немало олеснителни околности.Денковски останува во притвор сè до правосилноста на пресудата.Обвинетиот без многу емоции ја дочека доживотната казна, вознемиреност и солзи беа забележани кај неговото семејство.Одбраната на обвинетиот најави дека ќе поднесе жалба на пресудата. Според адвокатот Ѕвонко Давидовиќ, направени се низа пропусти без да се утврди фактичката состојба.„На две рочишта е донесена пресудата, што докажува до каде е нашето судство“, рече Давидовиќ.Денковски, лани на почетокот на септември, со автоматско оружје ги уби Јордан Јорданов – Ркулот кој бил член на „Франкфуртската мафија“, Влатко Андревски и Владо Милошев вработен во Шестата управа во МВР.Влегол во рибниот ресторан каде тројцата седеле на иста маса и ги изрешетал, по што побегнал од местото на убиството. По неколку дена сам се пријавил во полиција. Од тогаш мотивот за убиството никој не го соопшти, а Денковски во истрага молчел.Според првичните сознанија на истрагата се работело за голем долг кој Денковски не можел да го подмири заради што имал големи притисоци од убиените.Во текот на судскиот процес Денковски тврдел дека бил под притисок и закани за животот на неговите деца и токму поради тоа пукал.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Тешко повредена струмичанка во сообраќајна несреќа на патот Валандово – Струмица
Денеска, околу 00.25 часот во Полициската станица Валандово било пријавено дека на регионален пат Валандово – Струмица, на место викано „Валандовско брдо“ се случила сообраќајна несреќа помеѓу патничко возило „голф“ со велешки регистарски ознаки, управувано од 31-годишниот К.Т. од Гевгелија и патничко возило „пежо“ со струмички регистарски ознаки, управувано од 30-годишната С.Д. од Струмица, соопшти МВР.
Во несреќата со тешки телесни повреди се здобила С.Д., а со телесни повреди се здобил К.Т., констатирани во Медицински центар Гевгелија, додаваат од МВР.
Увид на местото извршила екипа на Полициската станица Валандово.
Црна хроника
Тројца скопјани искасани од кучиња скитници
Тројца скопјани пријавиле каснување од куче скитник во полициските станици во текот на вчерашниот ден.
На 25.04.2024 во 19.20 часот во Полициската станица Центар, Л.Ш.(42) од Скопје пријавила дека на ул.„Вардарска“ во Скопје била касната од куче скитник.
На 25.04.2024 во 12.00 во Полициското одделение Мирковци, Р.Г.(38) од Скопје пријавил дека во близина на обиколницата Скопје, бил каснат од куче скитник.
На 25.04.2024 во 14.10 часот во Полициската станица Карпош, К.С.(46) од Скопје пријавил дека на ул.„Милан Марковиќ“ во Скопје бил каснат од куче скитник.
Црна хроника
На граничниот премин Долно Блаце уапсен маж од Косово
Вчера во 17.20 часот на Граничниот премин Долно Блаце, на влез во државата, полициски службеници го лишиле од слобода 24-годишниот В.И. од Косово, затоа што при извршена пасошка контрола и проверка во оперативна евиденција констатирано било дека евидирал со мерка „апси“ по барање на Интерпол Шведска, извести МВР.
Тој бил предаден на полициски службеници од Полициската станица Кисела Вода за понатамошна постапка.