При претрес на стан импорвизиран бутик во стан во скопската населба Ново Лисиче, откриено е поголемо количетво брендирана облека од марките ,„Hugo Boss“, „Armani“,„D&G“, „Cavalli“ „Profilo“, „Versace “, „ Valentino“ и други познати светски брендови

При претресот на домот биле пронајдени и запленети 94 парчиња луксузна облека, и тоа: машки костуми, машки кошули, фармерки, фустани, јакни, блузи и обувки кои биле закачени на закачалки и изложени во рафтови за продавање, за што не постои никаква документација. Царинските инспектори од Одделението за истраги, по повеќе месечно следење на движењата скопјаните чијшто идентитет Царинската управа го означува со иницијалите Н.В и Х.Ш, откриле во приватен стан нелегален бутик за облека во кој била изложена стока, за која постои сомневање дека е илеглано внесена во земјата.Во средата  по наредба на истражен судија од Основниот суд во Скопје, овластени службени лица од Одделението за истраги  при Царинската управа на Република Македонија, извршиле претрес на станот и други простории, поради  сомнение дека во нив двете лица продаваат криумчарена стока од познати светски брендови.  Засега нема процена на штетат што го претрпела државната каса од оваа нелеглана продажба на луксузни парчиња облека. Против двајцата скопјани се спроведува предистражната постапка, а како што најавуваат од Царинската управа против нив ќе биде поднесена кривична пријава.