Двете момчиња кои во вторникот беа повредени со остри предмети цо инцидент пред скопката стоковна куќа „26 Јули“, повредите ги здобиле задавјќо си удари со ножеви во меѓусебна тепачка

Двете седумнаесетгодишни момчиња кои вчера беа избодени со нож кај стоковната куќа „26 јули“ биле прободени во меѓусебна тепачка, соопштуваат од СВР Скопје. Според нивните информации, до тепачката дошло кога се судриле две групи, една од селото Бојане, другата од селото Букович.Вербалната расправија преминала во тепачка, по што седумнаесетгодишниот  М.Б. од Бојане извадил нож и го прободел седумнаесетгодишниот Р.Ј. од село Буковиќ во грбот и раката. Нож извадил и осумнаесетгодишниот А.Ш. кој бил во групата на повредениот седумнаесетгодишник од Буковиќ.Со ножот го прободел М.Б. во грбот. Поради сериозноста на повредите малолетникот од Бојане бил пренесен во Ургентниот центар со тешки телесни повреди. Другиот повреден малолетник од селото Буковиќ, бил пренесен во градската болница „8-ми септември“ каде бил задржан на лекување. Полицијата направила увид на местото на тепачката и го пронашла ножот само на малолетникот од село Бојане. Против лицата кои биле инволвирани во тепачката ќе следуваат кривични пријави, но ќе се испитува и евентуална вмешаност и на другите лица.