Црна хроника
Судскиот процес „Изгрев“ почна , „Мавровски“ никако да стартува
Во Основниот суд 1 во Скопје започна повторениот судски процес за случајот „Изгрев“ за кој одговараат струшките брака Миладинови , адвокати, судии и други службеници. Обвинети се дека зеле кредити за реновирање на хотелот Изгрев но кредитите за објектот браќата ги користеле за други цели
Судењето почнува од почеток, бидејќи Вишото јавно обвинителство побара а Апелациониот суд прифати првата пресуда од шест ипол години затвор да биде укината поради пропусти и грешки на обвинителниот акт . На денешното рочиште зборуваше само Димитар Миладинов кој во детали објаснуваше како се работело во семејната фирма која соработувала со МПЦ. Исто така, тој презентираше документи и докази дека кредитите кои биле земани биле вратени за што банката потпишала документ со кој потврдува дека Миладинови ништо не и должат.„Може жената да се сомнева мажот дека ја изневерува, но сомневање со финансиски документи и докази не може да има. Судскиот совет да има доблест и да се надмине себеси и праведно да пресуди дека сум невин“, побара Димитар Миладинов. По неговото сослушување судијата го прекина судскиот процес и соопшти дека ќе продолжи следниот месец иако беше планирано судење да се одржи и утре. Во истовреме во судот со силно полициско обезбедување се одвиваше и судскиот процес Мавровски работници. Судењето се одложи бидејки еден од обвинетите бил болен. Неговиот адвокат кој побара одлагање, не знаеше да каже од што е болен неговиот клиент. Судијата веднаш без да побара лекарска документација го презакажа судењето за следниот месец, за кога побара сите обвинети кои досега биле болни да донесат лекарски извештаи.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Тешко повредена струмичанка во сообраќајна несреќа на патот Валандово – Струмица
Денеска, околу 00.25 часот во Полициската станица Валандово било пријавено дека на регионален пат Валандово – Струмица, на место викано „Валандовско брдо“ се случила сообраќајна несреќа помеѓу патничко возило „голф“ со велешки регистарски ознаки, управувано од 31-годишниот К.Т. од Гевгелија и патничко возило „пежо“ со струмички регистарски ознаки, управувано од 30-годишната С.Д. од Струмица, соопшти МВР.
Во несреќата со тешки телесни повреди се здобила С.Д., а со телесни повреди се здобил К.Т., констатирани во Медицински центар Гевгелија, додаваат од МВР.
Увид на местото извршила екипа на Полициската станица Валандово.
Црна хроника
Тројца скопјани искасани од кучиња скитници
Тројца скопјани пријавиле каснување од куче скитник во полициските станици во текот на вчерашниот ден.
На 25.04.2024 во 19.20 часот во Полициската станица Центар, Л.Ш.(42) од Скопје пријавила дека на ул.„Вардарска“ во Скопје била касната од куче скитник.
На 25.04.2024 во 12.00 во Полициското одделение Мирковци, Р.Г.(38) од Скопје пријавил дека во близина на обиколницата Скопје, бил каснат од куче скитник.
На 25.04.2024 во 14.10 часот во Полициската станица Карпош, К.С.(46) од Скопје пријавил дека на ул.„Милан Марковиќ“ во Скопје бил каснат од куче скитник.
Црна хроника
На граничниот премин Долно Блаце уапсен маж од Косово
Вчера во 17.20 часот на Граничниот премин Долно Блаце, на влез во државата, полициски службеници го лишиле од слобода 24-годишниот В.И. од Косово, затоа што при извршена пасошка контрола и проверка во оперативна евиденција констатирано било дека евидирал со мерка „апси“ по барање на Интерпол Шведска, извести МВР.
Тој бил предаден на полициски службеници од Полициската станица Кисела Вода за понатамошна постапка.