Првообвинетиот од случајот „Мавровски работници“, Шкодран Идризи од средата попладне е на слобода

Кривичниот совет на Основниот суд 1 во средата донел одлука да му го укине притворот, му го одзел пасошот и сега ќе има обврска да се јавува во Основниот суд во Тетово секој понеделник.Од судот велат дека Кривичниот совет донел ваква одлука по службена должност,  бидејќи истекувал законскиот рок од 2 години во притвор од подигнатото обвинение. „Притворот е укинат поради истекот на две години по подигнување на обвинението, кој е максимален законски период на траењето на притворот за кривичните дела за кои може да се изрече казна затвор доживотен затвор“ се вели во соопштението. Идризи го одложуваше притворот во 2002 г., потоа не беше достапен до јануари минатата година,  кога беше екстрадиран од Германија.Тој е осомничен за малтретирањето на работниците од градежното претпријатие „Маврово“. Судењето за овој случај, кој е еден од хашките, постојано се одложува. Адвокатите бараа слобода со образложение дека притворот повеќе не е потребен со образложение дека сите уредно ќе се јавуваат на рочиштата, како и оние кои не се во притвор.