Маж се дал во бегство откако направил сообраќајна несреќа на булеварот „Никола Карев“ и го напуштил местото.

По добиени сознанија полицијата го пронашла, но тој продолжил да бега, а приведен е неговиот совозач.

„Полициските службеници го лишиле од слобода совозачот В.Е.(43) од Скопје, додека возачот Р.Р.(45) од Скопје со возилото удрил еден од полициските службеници и се дал во бегство. Се преземаат мерки за расчистување на случајот, по што ќе биде поднесен соодветен поднесок“, велат од МВР.

Дете со ловечка пушка на неговиот татко, застрела друго дете во Крушевско. Повредениот, кој е негов братучед, е итно донесен во прилепската болница со тешки телесни повреди.

Инцидентот се случил вчера во семејната куќа на Џ.И.(43), кој во моментот не бил дома.

„Неговиот малолетен син истрелал од ловна пушка, која ја поседувал Џ.И., при што го повредил малолетниот братучед“, велат  од МВР.

Се преземаат мерки за расчистување на случајот.

При изведување на работни задачи во фабрика во Кочани, вчера почина Г.К.(48) од тој град.

„Лекар од Итната медицинска помош Кочани констатирал смрт без траги на насилство“, јави МВР.

Увид на местото извршила увидна полициска екипа.