Црна хроника
Малолетник за забава и се јавувал на директорката на „Шутка“ и и се заканувал
Малолетник заедно со своето друштво за забава се јавувале на повеќе телефонски броеви по случаен избор, се заканувале и ги навредувале соговорниците
Една од жртвите била директорката на истражниот затвор „Скопје“ Сузана Гавриловиќ, која случајот го пријавила во полиција.Полицијата, при увид во листингот утврдила дека бројот бил во сопственост на дваесетгодишно момче од Прилеп. Но од извршениот разговор констатирале дека бројот не бил негов, па било повикано уште едно лице од село Ропотово, Прилеп, кој кажал дека сопственик на бројот е четиринаесетгодишник од крушевското село Саждево.Малолетникот бил повикан во полициска станица, каде пред својата мајка признал дека пред еден месец, околу 23 часот, додека седел со неговите другари се договориле по случаен избор да се јавуваат на повеќе телефонски броеви со цел да се забавуваат.Тој рекол дека навистина свртел на бројот на директорката и дека и се заканувал и ја навредувал. Против него е поднесен посебен извештај кој е доставен до Јавното обвинителство за понатамошна постапка.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Стружанец објавувал експлицитна содржина од малолетничка
Полицијата во Тетово поднесе кривична пријава против А.А.(41) од Струга, поради постоење основи на сомнение за сторени кривични дела „злоупотреба на лични податоци“ и „производство и дистрибуција на детска порнографија“.
Пријавениот, на социјална мрежа, објавил фотографии и видео снимки со експлицитна содржина од женско лице, кое во тоа време било малолетно.
Црна хроника
Жена од Гевгелија измамила Грк дека е од Царина и му зела 2.000 евра
Полицијата поднесе кривична пријава против М.Ј.(46) од Гевгелија, поради измама.
„Пријавената, на 13 септември на царинскиот терминал на Граничниот премин „Богородица“, го довела во заблуда грчкиот државјанин К.Г.К., на начин што лажно се претставила дека е застапник во царински постапки и лажно му прикажала факти дека сторил тежок царински прекршок, поради што ќе биде задржан на македонско-грчката граница од страна на царинските власти и му побарала 2.000 евра, за да му помогне, на што се согласил“, објави МВР во дневниот билтен.
Црна хроника
Демолиран изборен штаб во Конче
Г.Г.(45) од село Дедино, општина Конче, пријавил во полицијата дека ноќта помеѓу 24 и 25.04.2024 во времето од 22.00 до 06.00 часот било скршено стакло на објект во село Дедино, кој се користел како штаб на кандидат за претседател на државата.
Увид на местото извршила екипа на ОВР Радовиш и се преземаат мерки за расчистување на случајот.