Црна хроника
Двајца тешко повредени во сообраќaјка кај Групчин
Две лица се тешко повредени во сообраќајка што се случи на автопатот Тетово – Скопје, кај селото Групчин, соопштуваат од СВР Тетово
Според нивните информации, сообраќајката се случила утрово околу 10:40 часот кога автомобил „Ауди“ со тетовски регистарски таблици излетал од патот и се превртел. Од ударите со тешки телесни повреди се здобил возачот кој имал околу триесетина година и неговиот дваесет идвегодишен совозач.Возачот веднаш бил пренесен во тетовскиот клинички центар, но поради сериозноста на повредите, во бесознание бил пренесен во Клиничкиот центар во Скопје. Неговиот совозач е на лекување во Тетово.Извршен е увид на местото на сообраќајката, а според неофицијалните информации возилото излетало од патот поради неприлагодена брзина.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Кривична пријава за директорка на училиште во Делчево, без да спроведе транспарентна постапка извршила набавка
Надворешна канцеларија за криминалистички работи Делчево поднесе кривична пријава против Д.Ц. (52) од Делчево, директорка на средно училиште, поради постоење сомневање за сторено кривично дело „несовесно работење во службата“.
Таа, без да спроведе транспарентна постапка за набавка на стоки и услуги, извршила набавка од повеќе правни лица во вкупна вредност од 905.482 денари, а со Законот за јавни набавки е предвидено дека износот на извршени набавки без спроведена јавна набавка во текот на годината не смее да го надмине износот од 12.000 евра во денарска противвредност.
Црна хроника
Жена нападната од својот сопруг во семејниот дом
Вчера во 18:35 часот во СВР Скопје, 30-годишна жена пријавила дека во семејниот дом на подрачјето на Бит Пазар била физички нападната од нејзиниот сопруг О.Ѓ.(38) од Скопје.
Се преземаат мерки за расчистување на случајот.
Црна хроника
Обид за убиство во гостиварско
СВР Тетово поднесе кривична пријава против К.З.(63) од с.Церово, гостиварско, поради постоење основи на сомнение за сторени кривични дела „убиство во обид“, „предизвикување на општа опасност“ и „неовластено изработување, држење, посредување и тргување со оружје или распрскувачки материи“ и против Х.А.(38) од с.Церово, поради постоење основи на сомнение за сторено кривично дело „насилство“.
На 04.05.2024, по претходна расправија помеѓу пријавените, првопријавениот испукал три куршуми од автоматска пушка, по што бил физички нападнат од второпријавениот.