Црна хроника
Рамковски не се сеќава на ништо
![](https://makfax.com.mk/wp-content/uploads/2016/10/346aa60e-cc9f-401b-a745-dabb0a8206d8.jpeg)
Речиси на сите прашања од судот и обвинителството, првообвинетиот од случајот „Пајажина“, Велија Рамковски не даде конкретен одговор
На прашања на судот за сопственичката структура, како и за односите меѓу фирмите, Велија Рамковски велеше „Не се сеќавам“ или „Сега не би се произнел, ќе образложам во доказната постапка. Тоа може да се докаже при увид во книговодството“.Освен за ова, судот се интересираше и за оттуѓувањето возила од фирмите, дали биле давани позајмици од една на друга фирма, дали биле плаќани фактури кои биле и претходно платени, но и дали на вработени во фирмите им се исплатувале плати во готовина. Рамковски на ова прашање одговори негативно. Тврди дека на вработени не им се исплаќале пари во готовина. На прашање на судот дали некој од обвинетите станале управители на фирми на негов предлог, Рамковски рече дека тоа биле негови познати луѓе, роднини на кои сакал да им помогне да заработат за живот. И на прашањата на обвинителката Гешковска, Рамковски не даде конкретен одговор. Првото прашање на обвинителката беше какво образование завршил Рамковски. Обвинителката се интересираше и кои од обвинетите му се роднини. Гешковска го прашуваше Рамковски и за тоа од кога се познаваат со директорот на А1 телевизија и какви овластувања имал тој.На секое од прашање на обвинителката адвокатите приговараа. Сметаа дека тие прашања се ирелевантни и дека обвинителката со ваквите прашања на кои во централниот регистер и законите веќе постои одговор, обвинителката само ги малтретира сите во салата и сака изнуди одговор.Откако Гешковска не доби конкретен одговор, се откажа од поставување на прашање, задржувајќи го своето право да поставува прашања во натамошната постапка, кога обвинетиот ќе започне да дава конкретни одговори на прашања од судот. Рамковски денеска даваше одбрана пред судскиот совет околу 40-тина минути. Во својот исказ тој ги отфрли како невистини обвиненијата кои го товарат за злосторничко здружување, перење пари, даночно затајување и злоупотреба на службената положба. По завршувањето на заседанието, адвокатот на Рамковски, Мирослав Вујиќ излезе со контрадикторен одговор. На новинарско прашање во врска со тоа врз основа на кои аргументи Рамковски тврдел дека е невин тој рече:„Кога слушнавте вие дека Велија рече дека е невин? Велија рече дека е недокажано и дека се се работело по законот. Тој не рече ниту дека е виновен, ниту дека е невин. Дали е Велија виновен или не, тоа треба да го докаже јавниот обвинител“.Во своја одбрана Велија Рамковски денеска тврдеше дека не е виновен за делата кои му се ставаат на товар и дека не постои никаква злосторничка група. Според него, тоа биле деловни и финансиски односи меѓу компаниите. Рамковски истакна дека како стопанственик во текот на целиот негов работен век од 40 години, никогаш и од никого не барал да не се почитуваат законите, ниту, пак, имал намера, да не и’ плати данок и другите давачки на државата. Најмногу го погодил делот од обвинението дека тој како родител ги организирал сопствените деца и својот брат во злосторничка група. Сопственикот на А1 телевизија тврди дека сите трансакциски сметки биле банкарски и законски и дека немало никакво перење пари. На почетокот од денешното рочиште, Рамковски побара да му се објаснат два термина од обвинителниот кат „фиктивна позајмица која нема економска оправданост“ и терминот „дневен промет во готовина врз основа на компензација“, коишто според него биле суштински за обвинувањата. Во завршницата на денешното излагање пред судот, Рамковски, исто така, побара да му се замени мерката притвор, нему и на другите обвинети, со мерката домашен притвор. Тој побара Судскиот совет да го земе предвид тоа што на најголем дел од сметките на фирмите кои се замрзнати има средства до сумата за која Кривичниот совет барал да бидат замрзнати. Што се однесува до А1 телевизија, според Рамковски, Судот имал на располагање околу милион евра. Тој смета дека ваквата гаранција е доволна да го замени притворот со домашен притвор. Рамковски, даде ветување дека нема да бега бидејќи, сакал да докаже дека е невин.Освен Рамковски, денеска исказ требаше да дадат и Амди Рамковски, братот на сопственикот на А1 телевизија, Невин Рауф и Зоран Мицевски. Но поради недостиг од време, исказ во судот денеска даде само првообвинетиот Рамковски. Додека еден од обвинетите дава исказ, во судницата нема да бидат присутни другите обвинети.По четири одложувања и многу приговори од страна на адвокатите, минатата седмица обвинителката Гордана Гешковска и нејзината заменичка неколку часови го читаа обвинителниот акт напишан на 79 страници за 23-цата обвинети во случајот „Пајажина“.Обвинителството го товари Рамковски, за основање на 24 фирми во Македонија и странство кои биле раководени од останатите обвинети, негови роднини и блиски соработници. Според обвинението, Рамковски и соработниците преку меѓусебно плаќање невистинити фактури и фиктивни позајмици, вршеле перење пари и избегнувале плаќање данок. Се переле пари преку повеќекратно плаќање на исти веќе претходно платени фактури, и тоа на странски фирми кои според обвинителството биле раководени од злосторничко здружение.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Црна хроника
Се скарале поради паркинг па му се заканил со пиштол: уапсен тетовец
![](https://makfax.com.mk/wp-content/uploads/2023/04/340100298_727343369082993_245299473340502978_n.jpg)
Вчера во 10.00 часот на улица „146“ во Тетово, полициски службеници од СВР Тетово го лишиле од слобода А.А.(51) од тетовско, затоа што околу 08.50 часот, поради недоразбирање околу паркирање на возила, со пиштол му се заканил на Н.А.(54) од тетовска Мала Речица.
При приведувањето, кај А.А. бил пронајден и одземен пиштол кубура, додека подоцна, со судска наредба, бил извршен претрес во неговиот дом, при што биле пронајдени и одземени пиштол „Црвена застава“ калибар 7.62мм, две рамки за пиштолот и 46 куршуми калибар 7.62мм.
Лицето било задржано во полициска станица и по целосно документирање на случајот против него ќе биде поднесена соодветна пријава, информира МВР.
Црна хроника
(Видео) Претрес кај полициски службеници од Скопско: пронајдено оружје и муниција
![](https://makfax.com.mk/wp-content/uploads/2024/07/6-1-1.jpg)
Вчера полициски службеници од Одделот за криминалистичка полиција – Сектор за недозволена трговија со дрога, оружје и опасни материи во координација со Одделот за внатрешна контрола, криминалистички истраги и професионални стадарди и СВР Скопје – Единица за недозволена трговија беше извршен претрес во дом кај две лица – полициски службеници за кои претходно беше утврдено дека на социјалните мрежи објавуваат фотографии со оружје.
При претресот, извршен со судска наредба, во нивниот дом во село Сингелиќ, скопско, биле пронајдени една автоматска пушка, два пиштоли, 19 куршуми 9 мм, еден рап во кој има четири рамки за автоматска пушка, пет празни рамки за автоматска пушка, 125 куршуми калибар 7.62×39, пет куршуми непознат калибар, еден револвер, една празна рамка и шест празни рамки кои ги поседуваат без дозвола. Исто така, при претресот во домот и при преглед на возилото на еден од нив било пронајдено и друго оружје и муниција кои ги поседувале со дозвола, соопшти полицијата.
„Подоцна, исто така, со судска наредба, беше извршен и претрес во викенд куќа во село Стрима, општина Липково, каде претходно беше утврдено дека е направена фотографијата и објавена на социјална мрежа, но во неа не беа пронајдени предмети кои потекнуваат од кривично дело.
Со двајцата полициски службеници и нивниот родител, во присуство на адвокат, беа извршени службени разговори, по што беа извршени консултации со јавен обивнителе од Основното јавно обвинителство за гонење на организиран криминал и корупција и против нив ќе биде поднесена соодветна кривична пријава“, информира МВР.
Црна хроника
Повеќе лица агресивно се однесувале кон медицински персонал во болницата во Струга
![](https://makfax.com.mk/wp-content/uploads/2023/02/policija-2.jpg)
Утрово во 00.57 часот во ОВР Струга е пријавено дека во Општата болница во Струга, повеќе лица агресивно се однесувале кон медицинскиот персонал.
Увид на местото увид извршија полициски екипи и дежурен јавен обвинител.
Полицијата соопшти дека се преземаат мерки за расчистување на случајот.