Црна хроника
СВР Тетово со апел до локалите да внимаваат на јачината на музиката

Секторот за внатрешни работи Тетово, чии полициски службеници изминатиот викенд за прегласна музика санкционираа неколку угостителски објекти во Тетово, повторно апелира до сопствениците на кафулиња, дискотеки и други угостителски објекти да внимаваат на јачината на музиката што ја пуштаат во своите локали или свират музички групи.
„Во спротивно, тие ќе се соочат со законски предвидените поднесоци и со парична глоба, која во согласност со член 8 од Законот за прекршоците против јавниот ред и мир се движи од 50 до 100 евра во денарска противвредност за физичко и од 50 до 6.000, односно 10.000 евра за правно лице, во зависност од неговата големината и плус од 50 до 500 евра за одговорното лице“, соопшти СВР Тетово.
Од таму ги потсетуваат угостителите исто така да не дозволуваат престојување малолетници по законски предвиденото време, ниту нивно послужување со алкохолни пијалаци, а за што може да бидат и кривично гонети.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
1624 семки канабис одземени од велешанец при претрес на неговиот дом, полицијата го уапси

Полицајци од одделот за недозволена трговија со дрога го уапси 41-годишниот (Т.Б.) од Велес. По издадена судска наредба тие при претрес во неговиот дом пронајдоа и му одзедоа кафена прашкаста материја, 1624 семки канабис и остатоци од зелена растителна материја, извести полицијста
(Т.Б.) е приведен во полициска станица, известен е јавен обвинител и по документирање на настанот, против него ќе биде поднесена соодветна пријава.
Црна хроника
Полицијата уапси 15-годишник во Скопје, насила одзел пари на 44- годишен маж

Вчеравечер полицијата уапси 15-годишен малолетник од Скопје по претходна пријава дека во скопски Центар насила одзел пари од 44-годишен маж.
Оштетениот пријавил во полиција која, пак, за кусо време го пронашла и го уапсила малолетникот. Од МВР најавија соодветна пријава по целосно документирање на случајот.
Црна хроника
Му стигнало писмо од извршител за два кредита кои не ги зел, 23-годишен скопјанец пријавил измама

23-годишен скопјанец во четвртокот во скопската полиција пријавил злоупотреба на личните податоци. Според пријавата, непознато лице во 2021 година на име на пријавителот зело два кредита од финансиско друштво. Дознал за измамата минатата недела кога му стигнало писмо од извршител за неплатен долг во износ од 80.758 денари.
Министерството за внатрешни работи презема мерки за расчистување на случајот.