Црна хроника
Ограбена Вилма Трајковска- украдени бурми, обетки Сваровски и oхридски бисери
![](https://makfax.com.mk/wp-content/uploads/2016/11/f71f45fe-2be3-4010-9abd-24561c311f74.jpeg)
Во куќата на Вилма Трајковска, сопруга на загинатиот претседател Борис Трајковски, деновиве крадец успеал да украде поголемo количество скап накит.
Во куќата на Вилма Трајковска, сопруга на загинатиот претседател Борис Трајковски. Деновиве крадец успеал да украде поголемo количество скап накит. Според Министерството за внатрешни работи, кражбата била пријавена во неделата. Во периодот околу пладне на улицата „Салвадор Аљенде“, крадецот влегол и украл златен накит, и тоа: обетки повеќе пара со разни големини украсени со украсни камења, поголема количина на прстени (женски) две бурми, четири синџирчиња со тенка плетка и еден синџир со дебела плетка, поголемо количество на разни видови приврзоци. Според пријавата била украдена и бижутерија и тоа синџирчиња, приврзоци, брошови, обетки од „Сваровски“, колекција на охридски бисери, рачни часовници, 100 британски фунти и еден лаптоп компјутер марка „Дел“. Крадецот влегол од источната страна на дворот скокајќи преку жица и дошол до двокрилната врата којашто насилно ја откорнал средишната преклопна летва, по што отворил и оштетил едно крило. Така влегол внатре и во куќата меѓу првиот и вториот кат каде ги откорнал таванските сензорски светилки и ја исклучил струјата во куќата. По внатрешните скали крадецот се качил на првиот кат, влегол во спалната соба каде испретурил се во плакарот и комодата од каде го одзел златниот накит и бижутеријата, а потоа влегол во поткровјето од каде го одзел лап топ компјутерот. Потоа побегнал. Штетата сé уште се утврдува и се трага по крадецот./крај/кф/км
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Црна хроника
Се скарале поради паркинг па му се заканил со пиштол: уапсен тетовец
![](https://makfax.com.mk/wp-content/uploads/2023/04/340100298_727343369082993_245299473340502978_n.jpg)
Вчера во 10.00 часот на улица „146“ во Тетово, полициски службеници од СВР Тетово го лишиле од слобода А.А.(51) од тетовско, затоа што околу 08.50 часот, поради недоразбирање околу паркирање на возила, со пиштол му се заканил на Н.А.(54) од тетовска Мала Речица.
При приведувањето, кај А.А. бил пронајден и одземен пиштол кубура, додека подоцна, со судска наредба, бил извршен претрес во неговиот дом, при што биле пронајдени и одземени пиштол „Црвена застава“ калибар 7.62мм, две рамки за пиштолот и 46 куршуми калибар 7.62мм.
Лицето било задржано во полициска станица и по целосно документирање на случајот против него ќе биде поднесена соодветна пријава, информира МВР.
Црна хроника
(Видео) Претрес кај полициски службеници од Скопско: пронајдено оружје и муниција
![](https://makfax.com.mk/wp-content/uploads/2024/07/6-1-1.jpg)
Вчера полициски службеници од Одделот за криминалистичка полиција – Сектор за недозволена трговија со дрога, оружје и опасни материи во координација со Одделот за внатрешна контрола, криминалистички истраги и професионални стадарди и СВР Скопје – Единица за недозволена трговија беше извршен претрес во дом кај две лица – полициски службеници за кои претходно беше утврдено дека на социјалните мрежи објавуваат фотографии со оружје.
При претресот, извршен со судска наредба, во нивниот дом во село Сингелиќ, скопско, биле пронајдени една автоматска пушка, два пиштоли, 19 куршуми 9 мм, еден рап во кој има четири рамки за автоматска пушка, пет празни рамки за автоматска пушка, 125 куршуми калибар 7.62×39, пет куршуми непознат калибар, еден револвер, една празна рамка и шест празни рамки кои ги поседуваат без дозвола. Исто така, при претресот во домот и при преглед на возилото на еден од нив било пронајдено и друго оружје и муниција кои ги поседувале со дозвола, соопшти полицијата.
„Подоцна, исто така, со судска наредба, беше извршен и претрес во викенд куќа во село Стрима, општина Липково, каде претходно беше утврдено дека е направена фотографијата и објавена на социјална мрежа, но во неа не беа пронајдени предмети кои потекнуваат од кривично дело.
Со двајцата полициски службеници и нивниот родител, во присуство на адвокат, беа извршени службени разговори, по што беа извршени консултации со јавен обивнителе од Основното јавно обвинителство за гонење на организиран криминал и корупција и против нив ќе биде поднесена соодветна кривична пријава“, информира МВР.
Црна хроника
Повеќе лица агресивно се однесувале кон медицински персонал во болницата во Струга
![](https://makfax.com.mk/wp-content/uploads/2023/02/policija-2.jpg)
Утрово во 00.57 часот во ОВР Струга е пријавено дека во Општата болница во Струга, повеќе лица агресивно се однесувале кон медицинскиот персонал.
Увид на местото увид извршија полициски екипи и дежурен јавен обвинител.
Полицијата соопшти дека се преземаат мерки за расчистување на случајот.