Министерството за внатрешни работи излезе со официјални детали за акцијата што се спроведе во петокот вечерта под „Детонатор“, при што беа приведени 23 лица осомничени за разни кривични дела.

Министерката за внатрешни работи Гордана Јанкулоска информираше дека акцијата имала за цел сузбивање на организирана криминална група составена од лица од Виница, Кочани и Крива Паланка, која вршела кривични дела со елементи на насилство – изнуди, трговија со оружје и дрога, перење пари, лихварство и други кривични дела, притоа предизвикувајќи страв и вознемираност кај населението.„Тоа што беше групата на Бајруш Сејдиу за Куманово, оваа група беше за Кочани, Виница и останатите градови во околината, а тоа што беше „Пепел“ за Бајруш, истото е „Детонатор“ за оваа група. Со други зборови, крај на беззаконието и теророт кој оваа група го вршеше врз граѓаните во источна Македонија“, рече министерката. Јанкулоска истакна дека дел од  членовите на криминалната група се сопственици на прави субјекти (дискотеки, барови, кабелски оператори и др.) како и нелегални објекти за игри на среќа, преку кои остварувале профит, а ги користеле и за прикривање на своите криминални активности.Против 16 лица – членови на криминалната група, денеска од страна на МВР до Основно јавно обвинителство за гонење на организиран криминал и корупција беше поднесена кривична пријава за сторено кривично дело “злосторничко здржување“, а согласно улогата која ја имале во групата, пооделно се пријавени и за  кривични дела кои истите ги извршиле.Имено, шест лица на возраст од 29 до 42 години се товарат дека создале злосторничко здружение, а останатите десет пријавени на возраст од 21 до 43 години станале припадници на групата, која во временскиот период од 2009 до 2011 година континуирано вршела кривични дела од областа на насилниот криминал, недозволената трговија и финансискиот криминал. Според досега обезбедените докази, групата организирала и „Убиство“, а на територијата на општина Виница, Кочани и Скопје сторила повеќе дела и тоа: „Изнуда“, “Фалсификување пари“, „Неовластено производство и пуштање во промет на наркотични дроги, психотропни супстанции и прекурсори“, „Насилство“. „Лихварство“, „Комар“ и „Перење пари и други приноси од казниво дело“.  Дел од пријавените лица ќе бидат дополнително пријавени и за кривично дело „Недозволено изработување, држење, и тргувње со оружје или распрскувачки материи„.Преку агенцијата за обезбедување на имот, лица и мониторинг услуги „ТИТАН Груп“, организаторите на криминалната група заедно со припадниците на истата, со сила и сериозна закана присилиле три лица од Кочани како и други сопственици на правни субјекти да исплаќаат надомест за обезбедување на објектите, на месечно ниво спротивно на нивната воља. Ова го чинеле на начин што откако предходно им ги оштетувале објектите, им нуделе да потпишат договори за обезбедување, или им доставувале фактури за плаќање или вршеле компензација во храна и пијалок, а овој надоместок се движел помеѓу 1.600 денари до 3.600, денари. Осомничените икористувајќи ја тешката имотна положба на други лица, договарале услуги за несразмерна имотна корист, односно давале пари „под огромни камати“. За ненавременото исплаќање на каматата, лицата кои земале пари биле физички малтретирани, а исто така им биле упатувани и сериозни закани. Членови на групата биле инволвирани и во набавување на фалсификувани евра од Бугарија, а истите учествувале и во неовластено производство и пуштање во промет на наркотични дроги, психотропни супстанции и прекурсори. Двајца од пријавените во текот на месец февруари годинава договариле нелегално купување на покер апарати за  игри на среќа, кои се инсталирани во илегална коцкарница лоцирана во Кочани на ул.„Маршал Тито“, која работела без лиценца.Се работи на прибирање докази за инволвираност на групата и во меѓународен криминал бидејќи организаторите во текот на 2010 и 2011 година во повеќе наврати преку Вестерн Унион,  од Грција, Италија и Русија, примиле парични средства во вкупен износ од 21.640,00 евра за кои знаеле дека се прибавени со казниво дело, а еден од нив од лице од Грција жирално примил поголем износ на пари, кои потоа ги извадил во готово притоа задржувајки 10% за себе.Двајца од пријавените, во два наврати во месец мај и декември 2011 година, учествувале во поставувањето експлозивни направи под патничко возило „Сеат Леон“ и во непосредна близина на истото во канта за отпадоци, кое било паркирано во населбата „Јане Сандански“ на паркингот на бул.АВНОЈ, а во сопственост на лице од Скопје со кое биле во непријателски односи. Во првиот случај оштетениот ја забележал експлозивната направа, а во вториот случај била активирана од далечина и истиот бил потешко повреден. Во март годинава во Скопје, еден од осомничените имал намера со ловечка пушка да го лиши од живот истиот оштетен во моментот кога со соето возило го претекнувал, но од причина што не му се укажала згодна прилика, не успеал да ја оствари својата намера. Двајца од пријавените во моментот не се достапни и по нив се трага. Останатите 14 пријавени утринава беа изведени пред надлежен истражен судија. МВР продолжува со преземање на мерки за целосно расчистување на други кривични дела извршени од страна криминалната група. /крај/со/ап/