Црна хроника
Новиот началник на СВР Штип ја презеде функцијата, „Детонатор“ се шири кон Делчево
Новиот началник на СВР Штип, Момчило Сталетовиќ во понеделник ја презеде функцијата на местото на Ѕвонко Каширски, кој пред два дена беше разрешен од страна на министерката за внатрешни работи, Гордана Јанкулоска.
На прес – конференцијата изјавил дека примопредавањето се одвивало во најдобар ред и изјавил дека никој не може да влијае на неговата работа со цел да се открие криминалот.
Тој има 23-годишно искуство како полицаец, командир, командир на полициска станица и инспектор во Бирото за јавна безбедност.
Новиот началник сега ќе ги избира и новите командири на полициските станици кои се во надлежност на СВР Штип. Тој изјави дека акцијата „Детонатор“ продолжува, но не соопшти детали.
Според првичните информации, ноќеска полицијата запленила педесетина покер апарати во продолжението на акцијата.
Досега во „Детонатор“ се запленети околу 700 покер апарати, а приведени беа 23 лица, од кои 14 се во притвор. /крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Кривична против директорка на градинка во Велес, при аплицирање за позицијата дала сертификат за англиски јазик со невистинита содржина
Единицата за корупција при Одделот за сузбивање на организиран и сериозен криминал (ОСОСК) на 25.04.2024 до ОЈО Велес поднесе кривична пријава против 44-годишната М.В. од Велес, поради постоење на основи на сомнение за сторено кривично дело „употреба на исправа со невистинита содржина“, согласно член 380 ст.1 од Кривичниот законик.
„Пријавената, на функција директор во општинска јавна установа за деца – детска градинка во Велес, прибавила меѓународно признаен сертификат за познавање на англиски јазик со нејзино име, издадена од училиште за јазици од Пловдив, Р.Бугарија.
Иако знаела дека исправата е со невистинита содржина, М.В. ја употребила како доказ дека поседува меѓународно признаен сертификат при нејзиното аплицирање на Јавен оглас за избор на директор на детската градинка, по што и била именувана на функцијата“, соопшти МВР.
Црна хроника
Маж и женa нападнати со метален предмет во Ранковце
Синоќа во 22.50 часот во Полициско одделение Ранковце Д.И. (34) пријавил дека во село Ранковце со метален предмет бил нападнат од Т.А. , а исто така Б.Т. пријавила дека била физички нападната од Д.И.
Полицијата соопшти дека се преземаат мерки за расчистување на случајот.
Топ
Маж од Радовиш со месеци сексуално вознемирувал малолетно девојче
Радовишанец со месеци силувал малолетничка
Вчера, во Полициската станица Радовиш било пријавено дека 45-годишен жител на Радовиш во периодот од јануари до април 2024 година во повеќе наврати извршил обљуба врз малолетничка од радовишко село.
За настанот бил запознаен јавен обвинител од Основното јавно обвинителство Струмица по чии насоки се преземаат мерки за целосно расчистување на случајот.