Црна хроника
Еден од убиените можеби застрелан оти бил сведок на злосторството кај Смилковци
![](https://makfax.com.mk/wp-content/uploads/2016/11/ac050579-3697-4932-90f8-193ed6a53e22.jpeg)
Борче Стефковски, на 45 годишна возраст, од скопското село Црешово е највозрасниот од петемина во четвртокот навечер убиени во атарот на селото Смилковци.
Како што јави Канал 5 телевизија, неговиот брат се сомнева дека тој бил убиен случајно, односно бидејќи бил сведок на убиството на четирите момчиња на возраст од 20 години.
Тој бил семеен човек и во четвртокот по 19 часот кога последен пат се слушнал со неговите блиски. се враќал од работа. Во својот автомобил, како што изјавија неговите блиски, секогаш ја носел опремата за ловење риба и најверојатно според нивните претпоставки застанал кај Железарското езеро да лови риба. По ова не го виделе.
Од институтот за судска медицина велат дека работат на обдукцијата на телата и од таму се чека да бидат соопштени причините за смртта.
На местото на злосторот екипи на крим техника сé уште вршат увид и собираат докази. Засега не е познат идентитет на останатите жртви. Неофицијално, четирите момчиња биле од општина Бутел.
Во четвртокот навечер околу 22.30 часот рибари ги пронајдоа мртвите тела на петемина скопјани со прострелни рани и чаури околу нив.
На местото на убиството имало две возила. Телата на четирите момчиња биле најдени на едно место, а петтата жртва на оддалеченост од околу сто метри.
Жителите на околните села најавуваат дека ќе ја блокираат обиколницата околу Скопје и ќе бараат што побрзо расветлување на петкратното убиство./крај/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Црна хроника
Се скарале поради паркинг па му се заканил со пиштол: уапсен тетовец
![](https://makfax.com.mk/wp-content/uploads/2023/04/340100298_727343369082993_245299473340502978_n.jpg)
Вчера во 10.00 часот на улица „146“ во Тетово, полициски службеници од СВР Тетово го лишиле од слобода А.А.(51) од тетовско, затоа што околу 08.50 часот, поради недоразбирање околу паркирање на возила, со пиштол му се заканил на Н.А.(54) од тетовска Мала Речица.
При приведувањето, кај А.А. бил пронајден и одземен пиштол кубура, додека подоцна, со судска наредба, бил извршен претрес во неговиот дом, при што биле пронајдени и одземени пиштол „Црвена застава“ калибар 7.62мм, две рамки за пиштолот и 46 куршуми калибар 7.62мм.
Лицето било задржано во полициска станица и по целосно документирање на случајот против него ќе биде поднесена соодветна пријава, информира МВР.
Црна хроника
(Видео) Претрес кај полициски службеници од Скопско: пронајдено оружје и муниција
![](https://makfax.com.mk/wp-content/uploads/2024/07/6-1-1.jpg)
Вчера полициски службеници од Одделот за криминалистичка полиција – Сектор за недозволена трговија со дрога, оружје и опасни материи во координација со Одделот за внатрешна контрола, криминалистички истраги и професионални стадарди и СВР Скопје – Единица за недозволена трговија беше извршен претрес во дом кај две лица – полициски службеници за кои претходно беше утврдено дека на социјалните мрежи објавуваат фотографии со оружје.
При претресот, извршен со судска наредба, во нивниот дом во село Сингелиќ, скопско, биле пронајдени една автоматска пушка, два пиштоли, 19 куршуми 9 мм, еден рап во кој има четири рамки за автоматска пушка, пет празни рамки за автоматска пушка, 125 куршуми калибар 7.62×39, пет куршуми непознат калибар, еден револвер, една празна рамка и шест празни рамки кои ги поседуваат без дозвола. Исто така, при претресот во домот и при преглед на возилото на еден од нив било пронајдено и друго оружје и муниција кои ги поседувале со дозвола, соопшти полицијата.
„Подоцна, исто така, со судска наредба, беше извршен и претрес во викенд куќа во село Стрима, општина Липково, каде претходно беше утврдено дека е направена фотографијата и објавена на социјална мрежа, но во неа не беа пронајдени предмети кои потекнуваат од кривично дело.
Со двајцата полициски службеници и нивниот родител, во присуство на адвокат, беа извршени службени разговори, по што беа извршени консултации со јавен обивнителе од Основното јавно обвинителство за гонење на организиран криминал и корупција и против нив ќе биде поднесена соодветна кривична пријава“, информира МВР.
Црна хроника
Повеќе лица агресивно се однесувале кон медицински персонал во болницата во Струга
![](https://makfax.com.mk/wp-content/uploads/2023/02/policija-2.jpg)
Утрово во 00.57 часот во ОВР Струга е пријавено дека во Општата болница во Струга, повеќе лица агресивно се однесувале кон медицинскиот персонал.
Увид на местото увид извршија полициски екипи и дежурен јавен обвинител.
Полицијата соопшти дека се преземаат мерки за расчистување на случајот.