Црна хроника
Соселани од Ласкарци се скарале за девојка-едниот од нив пукал со пиштол

Соселани од Ласкарци вчера се скарале поради девојка, по што едниот од нив извадил пиштол и пукал, соопшти МВР. Повредени нема, а пукачот е приведен.
Инцидентот се случил на локалниот пат Скопје-Тетово во близина на селото Ласкарци вчера околу 6.40 часот. Триесет и едногодишниот С.М со камион во кој што имало двајца сопатници се движел по локалниот пат, кога дваесет и петгодишниот соселанец Н.Ш. му го пресекол патот со автомобил. Излегол од автомобилот, му пришол на возачот на камионот и почнале да се расправаат.
И возачот на камионот излегол надвор, по што Н.Ш. извадил пиштол и испукал еден куршум кон С.М. , влегол во својот автомобил и избегал.
Возачот на камионот не бил повреден, а пукачот е приведен. Пукал со пиштол кој го поседувал без дозвола./крај/мвр/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Нападнат ученик од основно училиште во Свети Николе

Полицијата поднесе известување против малолетник од Свети Николе поради постоење насилство врз дете.
Како што соопшти МВР, на 4 јуни во основно училиште во светиниколско село, пријавениот физички нападнал ученик од истото училиште и му нанел телесни повреди.
Црна хроника
Женa во Кисела Вода чистела стара куќа и нашла лименки со натпис „топовски удар“, имало и фитили

Во Скопје, на подрачјето на Кисела Вода, 65-годишна жена при чистење на напуштена куќа што припаѓа на нејзините родители пронашла две лименки завиткани со селотејп. На лименките имало натпис „топовски удар“ и биле поставени фитили.
Жената случајот го пријавила во полицијата на 15 октомври. По пријавата, на местото излегле полициски службеници кои ги подигнале предметите за понатамошна постапка.
Според МВР, се преземаат мерки за расчистување на случајот.
Црна хроника
Пензионер од Струмица пукал со воздушна пушка кон бензинска пумпа

Полицијата од Струмица поднесе кривична пријава против П.Ж.(71) од овој град поради предизвикување општа опасност.
„На 12.10.2025 околу 16:00 часот, пријавениот со воздушна пушка пукал во правец на бензинска пумпа, каде што биле складирани боци со плин“, соопшти МВР во дневниот полициски билтен.