Црна хроника
Нема ништо ново за осомничените за убиството кај Смилковци кои се во бегство

Министерството за внатрешни работи нема нови информации за двајцата осомничени за убиството кај Смилковци кои избегаа и за кои има информации дека се на Косово.
Министерката за внатрешни работи, Гордана Јанкулоска уште еднаш повтори дека иако не е пронајдено оружјето со кое е извршено убиството, сепак имаат доволно материјални докази.
„Имаме доволно материјални докази за кои и обвинителот потврди дека се квалитетни врз основа на кои може да се формира обвинителен акт и врз основа на коишто осомничените ги товариме за кривично дело „тероризам“. Се разбира дека судот е тој кој треба да ги цени доказите, а не јавноста и поединците. Да оставиме простор без никакви притисоци, судот да ги разгледа доказите кои ги понудивме и да одлучи по однос на пријавата. Ние ги товариме за кривично дело „тероризам“ имаме повеќе докази, различни докази“ рече Јанкулоска.
Таа изјави дека МВР секојдневно ја следи државната и јавната безбедност и дека ги преземаат сите мерки кои се во нивна надлежност.
„Се разбира дека мора да бидеме свесни и будни за потенцијалните ризици, меѓутоа ништо не смее да го наруши спокојот и мирното живеење на граѓаните во Македонија, без оглед на која етничка заедница припаѓаат, без оглед на нивната верска или било каква друга определба“ рече Јанкулоска.
На 12 април се случи петкратно убиство кај Смилковци и беа убиени петмина недолжни граѓани. МВР приведе повеќемина осомничени за убиството,некои од нив се осомничени како директни извршители на убиството, а некои како помагатели. Но двајца од директните извршители избегаа и најверојатно се кријат на Косово./крај/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Приведени тројца државјани на Чешка, пронајдени стари монети

Вчера при контрола на видео надзорен систем на теренот на ПС за ГН Старавина, на местото викано „Брест“ било забележано моторно возило „дачија дастер“ со странски регистерски таблички.
По извршени проверки, во 19 часот, во близина на село Подмол, полициски службеници го пронашле возилото и при извршена контрола констатирано е дека во него биле J.M.(26), Ф.К. (53) и M.H. (47), сите од Р.Чешка, а сместени во закупен стан во Прилеп.
Тие се лишени од слобода и спроведени во ОВР Прилеп.
По наредба на надлежен јавен обвинител од ОЈО Прилеп, извршен е претрес во домот каде што престојувале трите лица, при што е пронајдена метална кутија во која имало 20 стари монети.
Полицијата соопшти дека се преземаат мерки за расчистување на случајот.
Црна хроника
Шеесетгодишник силувал девојче помало од 15 години во Македонски брод

Шеесет и четиригодишниот Б.С. од Македонски Брод е во 30-дневен притвор поради силување на девојче помало од 15-години.
Грозоморниот настан, за кој информираше полицијата, се случил вчера. Се сомничи дека го бакнувал и допирал по телото малолетното девојче од овој град.
Запрепастува и тоа што истото се случувало и пред еден месец. Од МВР информираа дека истиот маж бил пријавен од страна на очевидци дека и тогаш го злоставувал девојчето. Пријавата стигнала до Центарот за социјални работи во Македонски Брод, но од нивна страна не било постапено.
Ќе следат дополнителни активности за целосно расчистување на настанот.
Црна хроника
Се степале малолетнички, па се вмешала бабата

Вчера дека на подрачјето на Шуто Оризари, бил нарушен јавниот ред и мир со физичка пресметка помеѓу две малолетнички од Скопје.
„Потоа, А.Д., баба на една од малолетничките, физички ја нападнала другата малолетничка“, велат од МВР.
Се преземаат мерки за расчистување на случајот.