Истрагата за „Монструм“ е проширена, Хаки Хазири е шестоосомничен за кривичното дело „тероризам“ и му е одреден 30-дневен притвор. Оваа информација ја потврдија од Основниот суд Скопје 1.

Министерката за внатрешни работи, Гордана Јанкулоска изјави дека во  последните 24 часа полицијата нема нови приведувања во врска со петкратното убиство кај Смилковското езеро, ниту нови информации за двајцата осомничени за тероризам по кои е распишана меѓународна потерница.

Од МВР објаснуваат дека ова не е ново приведување во акцијата „Монструм“. Хаки Хазири бил опфатен со посебниот извештај што беше поднесен против десетмината уапсени во акцијата „Монструм“, лица за кои полицијата немаше доволно докази и на кои што им беше одреден 48-часовен притвор. Сега се најдени нови докази против него за кривичното дело „тероризам“ и му е одреден притвор во траење од 30 дена.

Телевизијата Алсат–М известуваше дека семејството на Хаки Хазири по неговото приведување и пуштање од притвор, го немала видено и не знаеле каде е нивниот син.

Покрај него, за тероризам се осомничени уште пет лица кои директно се поврзуваат со масакрот кај Смиљковци. Тројца од нив се во притвор, а двајца се во бегство, најверојатно на Косово. По нив трага и Интерпол./крај/мвр/фф