Двајца браќа од Струга приведени се ноќеска во полициска станица во Охрид, откако едниот предизвикал инцидент пред ноќен клуб, а другиот со тупаница удрил полицаец, кој го приведувал брат му.

Најнапред околу 01.45 часот, од страна на Р.Е. (24) од Струга бил нарушен јавниот ред и мир пред охридски ноќен клуб со викање со висок тон и со туркање кон останатите гости кои влегувале во клубот. Од страна на полициски службеници истиот бил предупреден, при што од негова страна биле упатени омаловажувачки зборови кон нив, а при обид да биде легитимиран истиот одбил и се обидел да избега. При неговото приведување истиот пружил активен отпор, а  на местото на настанот дошол и неговиот брат  И.А.(38), кој почнал да ги попречува полициските службеници и со раце ги влечел со намера да го ослободи  својот брат. Откако Р.Е. бил ставен во службеното возило, при обидот полициските службеници да ја затворат вратата, еден од нив добил удар со тупаница во пределот на десното око од страна на Р.Е, по што на службеникот му била укажана лекарска помош во охридската Општа болница. /крај/со/ап/