Црна хроника
Не го платил пивото, добил ќотек

Четириесет и седум годишен скопјанец бил претепан од пет непознати лица откако во угостителски објект одбил да плати за пиво за кое се пожалил дека мириса и е топло.
Инцидентот се случил во неделата, околу 02:10 часот во гаражите на Трговскиот центар „Бисер“, во скопски Аеродром. Откако скопјанецот, кој заедно со својата сопруга бил во угостителскиот објект ‘Пантер’, одбил да платат за пивото, за кое се пожалил дека е со непријатна миризба и било топло, бил повикан од непознати лица да разговараат надвор од објектот. Потоа, бил нападнат од пет мажи кои го удирале со тупаници по главата и грбот и му нанеле гребаници, отоци и модринки на грбот и главата.
Скопјанецот, заедно со сопругата, заминал во Градската општа болница каде бил задржан на натамошно лекување.
Полициската станица „Аеродром“ превзема мерки за расчистување на случајот./крај/со/ач
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Топ
Повреден 18-годишник, велосипедист во Чаир испукал кон него неколку куршуми и избегал

Ноќеска ургентниот центар на комплексот клиники „Мајка Тереза“ во полиција пријавил дека кај нив е донесен 18-годишник повреден од огнено оружје. Човекот кој го донел в болница на полицајците им кажал дека во повредениот дека пукал велосипедист и избегал.
„На 15.09.2025 во 01:04 часот во СВР Скопје, од ургентен центар при комплекс клиники „Мајка Тереза“ е пријавено дека кај нив со повреди од огнено оружје е донесен М.И.(18) од Скопје. Полициски службеници од Полициската станица Бит Пазар извршиле разговор со В.И.(28) од Скопје, кој со возило го донел повредениот, при што тој изјавил дека на ул.„Методија Митевски“ едно лице, кое било со велосипед, неколку пати од огнено оружје пукало кон М.И. и го напуштило местото“, соопшти МВР.
Полицијата извршила увид и презема мерки за расчистување на случајот.
Црна хроника
Во Гостивар приведен бегалец од затвор, осуден на пет ипол години затворска казна

Вчера во 13:20 часот на улица „Браќа Блажески“ во Гостивар, полициски службеници од ОВР Гостивар го привеле 42-годишниот Е.М. од Гостивар.
Тој бил баран поради бегство од Казнено-поправната установа Затвор Прилеп каде што издржувал казна затвор од пет години и шест месеци за сторено кривично дело „незовластено производство и пуштање во промнет наркотични дроги, психотропни супстанци и прекурзори“ по член 215 од Кривичниот законик.
Лицето е спроведено во Казнено-поправната установа Прилеп за издржување на казната.
Црна хроника
Уапсени две лица од Тетовско и од Гостиварско: возеле со многу поголема брзина од дозволеното

Вчера во 18:20 на патот Тетово-Гостивар, пред наплатна станица Тетово, полициски службеници од Полициската станица за безбедност на патниот сообраќај Тетово го лишија од слобода Ј.С.(36) од село Грчец, скопско. При сообраќајна контрола констатирано е дека управувал патничко моторно возило „фолксваген голф“ со скопски регистарски таблички со брзина од 151 километри на час, надвор од населено место, на место каде со сообраќаен знак максимална брзина на движење е ограничена на 80 километри на час.
Исто така вчера, во 16:45 часот, на патот Тетово-Гостивар, во близина на Дебрешки надвозник, полициски службеници од Полициското одделение за безбедност на патниот сообраќај Гостивар го лишија од слобода Х.Б.(63) од село Камењане, тетовско. При сообраќајна контрола констатирано е дека управувал патничко моторно возило „џип“ со тетовски регистарски таблички со брзина од 160 километри на час, надвор од населено место, на место каде максимално дозволената брзина со сообраќаен знак е ограничена со 80 километри на час.
Тие се задржани во полициска станица и по целосно документирање на случаите, против нив ќе биде поднесена пријава по член 297-а од Кривичниот законик – „безобѕирно управување со моторно возило“.