Црна хроника
Повреден полицаец при спречување на трговија со дрога

Полицаец се здоби со телесни повреди при обид за спречување на недозволена трговија со дрога во Куманово, информираат од МВР.
Откако полицијата добила оперативна информација за недозволена трговија со дрога од страна на кумановец, во понеделникот околу 22 часот била поставена заседа кај кафеаната „Аџи Трајко“ во Куманово.
Кога во непосредна близина се појавило моторно возило „алфа ромео“, управувано од кумановецот, еден од полицајците од поставената заседа пришол и ја отворил возачката врата од возилото. Откако се легитимирал дека е полицаец, кумановецот го стартувал возилото и го влечел полицаецот околу 15 метра, по што побегнал.
Полицаецот се здобил со телесни повреди. Подоцна кумановецот сам се пријавил во полициска станица, каде е задржан. Тој кривично ќе одговара за спречување службено лице во вршење службено дејствие. /крај/со/ач
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Нападнат ученик од основно училиште во Свети Николе

Полицијата поднесе известување против малолетник од Свети Николе поради постоење насилство врз дете.
Како што соопшти МВР, на 4 јуни во основно училиште во светиниколско село, пријавениот физички нападнал ученик од истото училиште и му нанел телесни повреди.
Црна хроника
Женa во Кисела Вода чистела стара куќа и нашла лименки со натпис „топовски удар“, имало и фитили

Во Скопје, на подрачјето на Кисела Вода, 65-годишна жена при чистење на напуштена куќа што припаѓа на нејзините родители пронашла две лименки завиткани со селотејп. На лименките имало натпис „топовски удар“ и биле поставени фитили.
Жената случајот го пријавила во полицијата на 15 октомври. По пријавата, на местото излегле полициски службеници кои ги подигнале предметите за понатамошна постапка.
Според МВР, се преземаат мерки за расчистување на случајот.
Црна хроника
Пензионер од Струмица пукал со воздушна пушка кон бензинска пумпа

Полицијата од Струмица поднесе кривична пријава против П.Ж.(71) од овој град поради предизвикување општа опасност.
„На 12.10.2025 околу 16:00 часот, пријавениот со воздушна пушка пукал во правец на бензинска пумпа, каде што биле складирани боци со плин“, соопшти МВР во дневниот полициски билтен.