Црна хроника
Јанкулоска: Детонатор ќе се спроведува на целата територија на земјата

СВР Теово и Управата за јавни приходи претходната ноќ запечатија седум објекти за игри на среќа кои не ги исполнуваат законските услови за работа во Тетово и Гостивар, информираше во саботата министерката за внатрешни работи Гордана Јанкулоска.
По посетата на охридското село Белчишта одговарајќи на новинарско прашање Јанкулоска одговори дека во продолжението од акцијата „Детонатор“ на подрачјето на СВР Тетово биле контролирани десетина објекти за игри на среќа.
„Во оваа акциска контрола откриени и запленети се 128 апарати за приредување на игри на среќа, маси за рулет и за покер“, рече Јанкулоска, нагласувајќи дека ова е само продолжение на континуираните активности за одговор на сите нелегални однесувања.
Нагласи дека акцијата „Детонатор“ нема да запре и контролите ќе продолжат континуирано.
„Во минатото имаше секакви шпекулации дека акцијата е локализирана и одредени подрачја не се предмет на интерес на институциите, но со оваа акциска контрола која ја имавме заедно со УЈП потврдуваме дека контролата мора да се одвива и ќе се одвива на секој сантиметар на територијата на Република Македонија“, рече Јанкулоска./крај/со/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Возило на 26-годишник оштетено од неколку проектили од огнено оружје: полицијата го расчистува случајот

Вчера околу 21:20 часот во СВР Скопје, 26-годишниот Ш.Ј. од село Крушопек, општина Сарај, пријави дека на паркинг простор пред угостителски објект во село Лака, скопско, неговото паркирано патничко возило „сеат алтеа“ со скопски регистарски ознаки било оштетено од неколку проектили од огнено оружје.
Се преземаат мерки за расчистување на случајот.
Црна хроника
Тешко повредена 29-годишна жена од Битолско по пад од трактор

Вчера во 19:20 часот во СВР Битола е пријавено дека на регионалниот пат Р-2333 Битола-Драгош, на крстосница за село Барешани, додека 30-годишниот Р.М. од село Острец, битолско, управувал трактор „тафе“ со приколка, неговата сопатничка У.М.(29) од истото село, паднала од тракторот, при што се здобила со тешки телесни повреди констатирани во Клиничка болница Битола.
Извршен е увид од увидна екипа на СВР Битола.
Црна хроника
14-годишник нападнат на трим-патека во Кисела Вода од повеќе малолетници

Вчера во 14:30 часот во СВР Скопје, 54-годишниот Д.Х. од Скопје пријави дека на 09.08.2025 околу 22:30 часот на трим патека на подрачје на Кисела Вода во Скопје, неговиот 14-годишен син, додека бил со неговиот брат и другарка, по претходна расправија, бил физички нападнат од повеќе малолетници, кои ги познава и кои носеле и метални предмети.
Се преземаат мерки за расчистување на случајот