Црна хроника
Приведени тројца деликвенти
Скопската полиција поднесе кривична пријава против Д.Д. викан “Дуди“ (25), А.И. викан “Белаја“ (44) М.Џ (27) сите од Скопје, поради постоење основано сомневање дека на 18. 06 извршиле тешка кражба во моторно возило, при што се стекнале со противправна имотна корист од околу 35.000 денари.
За стореното кривично дело, кое е предвидено и казниво по член 236 од КЗ на РМ, Истражен судија на тројцата им одреди мерка притвор во траење од по 30 денови.Кривичното дело, пријавените го извршиле околу 15,30 часот на паркинг просторот во непосредна близина на ОУ „Блаже Коневски“ во населба Аеродром. На наведеното место пристигнале со моторно возило “Мерцедес“, сопственост и управувано од А.И. и откако се паркирале во непосредна близина на моторно возило “Ланчиа“, кое било објект на нивниот напад, Д.Д. излегол од возилото, а останатите двајца останале во возилото за да чуваат стража. Д.Д. со употреба на ножици ја оштетил бравата од возилото, го отворил и од седиштето одзел две чанти во кои имало 26.000 денари, кредитни и платежни картички, мобилен телефон и различни документи, со што се стекнале со противправна имотна корист од околу 35.000 денари. Во моментот кога се упатил кон возилото, каде го чекале А.И. и М.Џ., бил пресретнат и лишен од слобода од полициски службеници припадници на единицата за спречување на уличен криминал “Алфа“. При приведувањето, тројцата пријавени пружале активен отпор, а Д.Д. се обидел да бега, фрлајќи ги чантите и ножиците.Сторителите се приведени во ПС од ОН Аеродром, каде по извршениот разговор, како и по претходно превземени мерки и активности е утврдено дека тие тројца се можни сторители на серија тешки кражби во возила, за што по обезбедување на материјални докази и документирање на истите, ќе следуваат соодветни поднесоци.Инаку, пријавените уште како малолетници се регистрирани сторители на имотни деликти за што од надлежен суд им се изрекувани казни, малолетнички затвор, додека по стекнувањето на полнолетност покрај имотни деликти, сторители се и на деликти проследени со насилство, недозволено изработување, држење и тргување со оружје, крвни деликти и недозволена трговија со наркотични дроги и прекурзори. За извршени кривични дела, против тројцата досега вкупно се поднесени 92 кривични пријави за кои надлежен суд им изрекол соодветни затворски казни. /крај/по/ап/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Тешко повредена струмичанка во сообраќајна несреќа на патот Валандово – Струмица
Денеска, околу 00.25 часот во Полициската станица Валандово било пријавено дека на регионален пат Валандово – Струмица, на место викано „Валандовско брдо“ се случила сообраќајна несреќа помеѓу патничко возило „голф“ со велешки регистарски ознаки, управувано од 31-годишниот К.Т. од Гевгелија и патничко возило „пежо“ со струмички регистарски ознаки, управувано од 30-годишната С.Д. од Струмица, соопшти МВР.
Во несреќата со тешки телесни повреди се здобила С.Д., а со телесни повреди се здобил К.Т., констатирани во Медицински центар Гевгелија, додаваат од МВР.
Увид на местото извршила екипа на Полициската станица Валандово.
Црна хроника
Тројца скопјани искасани од кучиња скитници
Тројца скопјани пријавиле каснување од куче скитник во полициските станици во текот на вчерашниот ден.
На 25.04.2024 во 19.20 часот во Полициската станица Центар, Л.Ш.(42) од Скопје пријавила дека на ул.„Вардарска“ во Скопје била касната од куче скитник.
На 25.04.2024 во 12.00 во Полициското одделение Мирковци, Р.Г.(38) од Скопје пријавил дека во близина на обиколницата Скопје, бил каснат од куче скитник.
На 25.04.2024 во 14.10 часот во Полициската станица Карпош, К.С.(46) од Скопје пријавил дека на ул.„Милан Марковиќ“ во Скопје бил каснат од куче скитник.
Црна хроника
На граничниот премин Долно Блаце уапсен маж од Косово
Вчера во 17.20 часот на Граничниот премин Долно Блаце, на влез во државата, полициски службеници го лишиле од слобода 24-годишниот В.И. од Косово, затоа што при извршена пасошка контрола и проверка во оперативна евиденција констатирано било дека евидирал со мерка „апси“ по барање на Интерпол Шведска, извести МВР.
Тој бил предаден на полициски службеници од Полициската станица Кисела Вода за понатамошна постапка.