Црна хроника
Во САД и други земји меѓу кои и Македонија се води голема операција против компјутерскиот криминал
Најголемата во историјата на операциите против компјутерскиот криминал ја спроведуваат американските разузнавачки служби, а досега се упсени 24 лица во САД и уште осум други земји. Се проценува дека станува збор за штета во вкупна вредност од 205 милиони долари.
Уапсените се обвинети за користење на интернетот за измама со кредитни картички, банкарски сметки и лични податоци на околу 400 илјади потенцијални жртви низ целиот свет.
Резултатите од оваа операција ги објави во вторникот федералниот обвинител на Јужниот округ на Њујорк, Прит Бхарара и заменикот директор на њујоршката канцеларија на американското Федерално биро за истраги FBI, Џенис К. Федарчик.
Според нив, во САД се уапсени 11 лица а во другите земји уште 13 луѓе, а покрај тоа се очекува да бидат издадени налози за уште триесетина пребарувања.
„Координираните акции од денеска беа резултат на двегодишна тајна операција предводена од FBI, која е насочена кон идентификување на сајбер криминалците, истрага и откривањето на нивните активности, како и ставање крај на таквите активности“, се вели во писмената изјава на Бхарари и Федарчик што ноќта кон средата беше објaвена на официјалната интернет страница на FBI .
Во осумте земји надвор од САД, апсењата се извршени во Велика Британија (шест), во Босна и Херцеговина (две), во Бугарија (едно), во Норвешка (едно) и во Германија (едно). Уште две лица се уапсен, во Италија и во Јапонија, на кои им е одреден времен притвор.
Сослушувањата на осомничени лица, извршување претреси или други координирани акции сѐ уште се водат во Македонија, Австралија, Канада и Данска.
„Интелигентните компјутерски криминалци кои работат под превезот на интернет, сѐ уште се достапни за долгата рака на законот“, порачал Бхарара.
Според него, „откривањето и гонењето на таквите лица, како оние коишто се осомничени за сајбер криминал обвинети денеска, а кои ќе продолжат, бараат јасен и координиран пристап и меѓународна соработка, преку која и беа овозможени овие апсења“.
Како што е наведено во делот од писмената изјава на Федарчик, операцијата наречена „Card Shop“, била насочена против софистицирани, добро организирани криминалци кои биле вклучени во купување и продавање на украдени лични податоци, употребени кредитни картички, фалсификувани документи и алатки за хакерски напади.
„Чепкачите“, како што ги нарекува американската полција овие криминалци, краделе лични и други податоци не само со помош на шпионски комјутерски софтвер, тука исто така упаѓале и во базите на податоци на банки, хотели, трговски друштва а потоа податоците ги продавале низ мрежата, во којашто биле притаени и агенти на FBI./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Гостиварец измамен за сума од 760 евра: преку социјалните мрежи собирал пари за лекување во странство
Вчера во 14.40 часот во ОВР Гостивар, 31-годишен гостиварец пријавил дека бил измамен од едно лице за сума од 760 евра.
Според пријавеното, околу 09.00 часот лицето се јавило преку социјална мрежа и се претставило како Р.М. од Република Србија, кој работел во хуманитарна организација. Како што е пријавено, лицето го видело апелот за помош за негово лекување во странство и сакало да помогне со донација на поголем износ, но било потребно прво тој да уплати 760 евра бидејќи таква била процедурата.
Исто така, според пријавеното, откако ги пратил парите преку брз трансфер на пари, лицето го блокирало, по што сфатил дека е измамен.
Полицијата соопшти дека се преземаат мерки за расчистување на случајот.
Црна хроника
Тепачка во интернат во Битола: таткото го претепал цимерот на својот син
Во СВР Битола вчера во 14.00 часот Ј.Б.(41) од Кичево пријавил дека во неговата соба во интернат во Битола, неговиот малолетен син бил физички нападнат од М.Г.(37) од Вевчани, татко на неговиот цимер.
Полицијата соопшти дека се преземаат мерки за расчистување на случајот.
Црна хроника
Кривична за геометар од Струга: изработил лажно решение за приватизација на градежно земјиште
ОВР Струга поднесе кривична пријава против Р.А.(39) од Струга поради постоење основи на сомнение за сторени кривични дела „фалсификување исправа” и „злоупотреба на службена положба и овластувања“.
Тој, во својство на помлад референт – геометар во Министерството за финансии, Управа за имотно – правни работи во Струга, изработил лажно решение за приватизација на градежно земјиште по основ стекната со надомест, внел број од друг предмет, своерачно се потпишал и во име на овластениот потписник, фалсификувајќи го неговиот потпис, и го втиснал службениот печат од Министерството за финансии за првостепена постапка.
Изготвеното лажно решение на 29.05.2024 година го испратил во Одделение за катастар на недвижности во Струга со намера да биде катастарски впишано и спроведено, додека архивираниот предмет, чиј број го искористил, веднаш го уништил.