Четири грабежи се случиле изминатово деноноќие низ градови во Македонија, во Скопје и скопско, Велес и Струга, соопшти МВР.

Во сите четири грабежи крадците украле над 11.000 евра.

Првата кражба се случила вчера среде бел ден во периодот од 10 до 14 часот во Велес на улица „Андон Шурков“. Крадецот со подесен клуч ја отворил влезната врата од станот, влегол внатре во спалната соба и украл 2.000 евра и златен накит во вредност од 150.000 денари.

Втората кражба се случила во Скопје, на улица „Рилски Конгрес“. Разбојникот насилно го отворил прозорецот и велгол во куќата. Во дневната соба украл накит во вредност од околу 300.000 денари.

Во Струга во петокот навечер околу 21.30 часот бил ограбен стружанец на улица „Караорман“. Тројца крадци го пресретнале стружанецот кој се возел на велосипед, го испрскале со спреј во лицето и му го украле елекот во кој имало околу 100.000 денари, два мобилни телефона и лични документи.

Последната кражба се случила синоќа околу 1 часот по полноќ во скопското село Текија.

Разбојниците заѕвониле на вратата и кога сопственикот на куќата им отворил, крадците го нападнале и од џеб му украле 750 евра.

Сопственикот на куќата бил пренесен во Градската болница, каде му се санираат повредите од нападот.

Полицијата работи на расветлување на кражбите./крај/мвр/фф