Црна хроника
Кажувал дека работи во владата и барал пари
Педесет и три годишниот В.С. од Свети Николе, викан Спикер, заработи кривична пријава за измама и за лажно претставување поради тоа што од 30 лица барал пари за наводно лекување претставувајќи се лажно.
Лицето, претставувајќи се како Владо Радевски – вработен во Кабинетот на Премиерот на Владата на Република Македонија и како Димче – вработен во Министерството за правда, од 20 правни и физички лица од повеќе градови земал 144.550 денари на име донација за лекување на болно лице од Свети Николе.
Паричните средства осомничениот ги подигнал во готово и ги искористил за свои лични потреби. Во периодот од јануари до мај годинава во најголем број на случаи остварувал телефонски контакт со физички лица или одговорни лица во фирми, а во помал број на случаи одел лично и претставувајќи се лажно од оштетените барал парични средства – донација. Притоа истиот им презентирал различни верзии поврзани со лекување на болно лица и тоа: донација за лекување на дете во странство, донација за лекување на дете на негов пријател, донација за негова лична операција во странство, помош за негов роднина за лекување во странство, помош за операција на болен човек, помош за болен човек за итна операција, а во други случаи пак, за лекување на неговата сопруга, помош за операција, хуманитарна помош за болни лица од Свети Николе и слично.
Во случаите кога со телефонско јавување и усно презентирање не можел да обезбеди пари, на оштетените им ја презентирал или на факс им ја доставувал документацијата од историјата на болеста на неговата сопруга која се лекувала во ЈЗУ „Универзитетска клиника за радиотерапија и онкологија“.
Од оштетените се уплаќани различни износи, односно едно правно лице извршило уплата од 20.000 денари, две правни лица по 10.000 денари, единаесет од оштетените правни и физички лица извршиле уплата на износи помеѓу 5.000 и 7.000 денари, а шеснаесет уплатиле износи помеѓу 1.200 и 4.000 денари.
Пријавениот и претходно е познат на полицијата како сторител на кривични дела во периодот од 1975 до 2012 година, односно тој бил пријавуван за кривични дела – “кражба“, „измама“ и други дела, на подрачјето на Струмица, Велес, Кочани, Скопје, Свети Николе, Неготино и Кавадарци, а на истиот од страна на судовите му се изрекувани и затворски казни. /крај/со/ач
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Стружанец објавувал експлицитна содржина од малолетничка
Полицијата во Тетово поднесе кривична пријава против А.А.(41) од Струга, поради постоење основи на сомнение за сторени кривични дела „злоупотреба на лични податоци“ и „производство и дистрибуција на детска порнографија“.
Пријавениот, на социјална мрежа, објавил фотографии и видео снимки со експлицитна содржина од женско лице, кое во тоа време било малолетно.
Црна хроника
Жена од Гевгелија измамила Грк дека е од Царина и му зела 2.000 евра
Полицијата поднесе кривична пријава против М.Ј.(46) од Гевгелија, поради измама.
„Пријавената, на 13 септември на царинскиот терминал на Граничниот премин „Богородица“, го довела во заблуда грчкиот државјанин К.Г.К., на начин што лажно се претставила дека е застапник во царински постапки и лажно му прикажала факти дека сторил тежок царински прекршок, поради што ќе биде задржан на македонско-грчката граница од страна на царинските власти и му побарала 2.000 евра, за да му помогне, на што се согласил“, објави МВР во дневниот билтен.
Црна хроника
Демолиран изборен штаб во Конче
Г.Г.(45) од село Дедино, општина Конче, пријавил во полицијата дека ноќта помеѓу 24 и 25.04.2024 во времето од 22.00 до 06.00 часот било скршено стакло на објект во село Дедино, кој се користел како штаб на кандидат за претседател на државата.
Увид на местото извршила екипа на ОВР Радовиш и се преземаат мерки за расчистување на случајот.