Црна хроника
Македонскиот конзул ги посети повредените во несреќата во Грција

Претставник на македонскиот конзулат во Солун ги посети во понеделникот повредените македонски државјани во болницата во Кавала, кои настрадаа во тешката сообраќајна несреќа.
Како што информираше Министерството на надворешни работи, посетата на претставникот на конзулатот сé уште е во тек.
МНР потврди дека во сообраќајната несреќа загинале четири лица, вклучително и едно двегодишно девојче, додека пет лица се повредени.
Меѓу повредените се наоѓа и возачот на комбето, од кого надлежните грчки институции побарале изјава, но се чека да пристигне адвокат, кој е ангажиран од македонскиот конзулат.
Сите петмина повредени ќе мора да бидат задржани во болницата најмалку 48 часа. Потешка повреда има здобиено едно шестгодишно дете, кај кое е констатирано фрактура на главата.
Македонскиот конузлат стапи во контакт и со грчката полиција, но сé уште го нема добиено записникот од несреќата.
Според досега непотврдени податоци, загинатите се од Струга, а се враќале од свадба од Турција./крај/мф/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Изгоре стан во Прилеп, поради вдишување чад две лица пренесени во болница

Вчера околу 13.00 часот во ОВР Прилеп било пријавено дека во населба „Точила“ во Прилеп настанал пожар во стан сопственост на Т.Ј., во кој престојувала неговата неговата сестра Ц.С.(51) и неговиот зет Д.П.(40), двајцата од Скопје.
Од екипа на Територијалната противпожарна единица Прилеп пожарот бил изгаснат, а поради вдишување чад Ц.С. и сосетката С.П.(73) од Прилеп биле пренесени во болницата во Прилеп за укажување лекарска помош.
Извршен бил увид од увидна екипа од ОВР Прилеп.
Црна хроника
Уапсен битолчанец, ја истепал својата сопруга

Вчера во 23.45 часот, полициски службеници од ОВР Крушево го лишиле од слобода 27-годишниот Ѓ.С. од Битола, со престој во крушевско село, постапувајќи по претходна пријава дека во семејниот дом физички ја нападнал неговата сопруга.
По документирање на случајот ќе следува соодветен поднесок.
Црна хроника
Во полиција пријавен 17-годишник од установа за згрижување деца: агресивно се однесувал, се заканувал, па искршил инвентар во службените простории

Вчера во 10.20 часот во Полициската станица Карпош, од Јавната установа за згрижување деца – Организациона единица Влае било пријавено дека нивниот штитеник 17-годишниот Р.М. го нарушил јавниот ред и мир со агресивно однесување, упатувал закани на вработено лице, оштетил дел од инвентарот во службените простории, по што се оддалечил од установата, од која и претходно се оддалечувал и бил враќан.
Се преземаат мерки за пронаоѓање на лицето.