Црна хроника
Полициска акција во Прилеп- се апсат вработени во МВР
Вработени во Министерството за внатрешни работи земале поткуп и на прилепчани им издавале лични документи преку ред, односно по забрзана постапка.
Засега не се знае бројот на осомничените, бидејќи сè уште се собираат докази, се врши претрес во домовите на вработените во МВР, како и во домовите на нивните посредници, и се земаат искази од осомничените и од граѓаните кои давале пари за да извадат побрзо документи.
Вработените во МВР ги искористиле законските обврски на граѓаните за промена на личните документи, што во многу општини низ Македонија создаде турканици пред шалтерите.
Министерката за внатрешни работи Гордана Јанкулоска не ги потврди информациите дека приведените се роднини на високи функционери на ВМРО-ДПМНЕ и рече дека ова не е релевантна информација за Министерството.
„Немам таква информација, и тоа не е информација која е релевантна за МВР, бидејќи ние постапуваме по пријава за сторени прекршувања на законските прописи. Дали некој на некого му е роднина, пријател и познаник, воопшто не е релевантно. Наша должност е да ловиме криминал“, рече министерката Јанкулоска.
Во Прилеп се вршат претреси и во домовите на физички и правни лица кои не се вработени во МВР, за да се обезбедат докази за нивна вмешаност како посредници.
Посредниците во овој случај биле „линк“ меѓу граѓаните на кои им требаат документи и оние кои ги издаваат документите.
Бројката приведени ќе зависи од доказите и исказите и доколку се потврдат сомневањата против сите кои се вмешани во криминалот ќе биде поднесен соодветен поднесок./крај/мф/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Тешко повредена струмичанка во сообраќајна несреќа на патот Валандово – Струмица
Денеска, околу 00.25 часот во Полициската станица Валандово било пријавено дека на регионален пат Валандово – Струмица, на место викано „Валандовско брдо“ се случила сообраќајна несреќа помеѓу патничко возило „голф“ со велешки регистарски ознаки, управувано од 31-годишниот К.Т. од Гевгелија и патничко возило „пежо“ со струмички регистарски ознаки, управувано од 30-годишната С.Д. од Струмица, соопшти МВР.
Во несреќата со тешки телесни повреди се здобила С.Д., а со телесни повреди се здобил К.Т., констатирани во Медицински центар Гевгелија, додаваат од МВР.
Увид на местото извршила екипа на Полициската станица Валандово.
Црна хроника
Тројца скопјани искасани од кучиња скитници
Тројца скопјани пријавиле каснување од куче скитник во полициските станици во текот на вчерашниот ден.
На 25.04.2024 во 19.20 часот во Полициската станица Центар, Л.Ш.(42) од Скопје пријавила дека на ул.„Вардарска“ во Скопје била касната од куче скитник.
На 25.04.2024 во 12.00 во Полициското одделение Мирковци, Р.Г.(38) од Скопје пријавил дека во близина на обиколницата Скопје, бил каснат од куче скитник.
На 25.04.2024 во 14.10 часот во Полициската станица Карпош, К.С.(46) од Скопје пријавил дека на ул.„Милан Марковиќ“ во Скопје бил каснат од куче скитник.
Црна хроника
На граничниот премин Долно Блаце уапсен маж од Косово
Вчера во 17.20 часот на Граничниот премин Долно Блаце, на влез во државата, полициски службеници го лишиле од слобода 24-годишниот В.И. од Косово, затоа што при извршена пасошка контрола и проверка во оперативна евиденција констатирано било дека евидирал со мерка „апси“ по барање на Интерпол Шведска, извести МВР.
Тој бил предаден на полициски службеници од Полициската станица Кисела Вода за понатамошна постапка.