Црна хроника
Една жртва на железничка несреќа кај Велес
Необезбедениот железнички премин кај село Ногаевци зема уште една жртва, откако во тешка железничка несреќа што се случи во петокот претпладне животот го загуби кратовчанецот Борче Ј.
Жртвата управувала камион на градежното претпријатие „Гранит“ кој бил натоварен со материјали потребни за изградба на мостот кај Ногаевци. Во критичниот момент возачот на камионот не го забележал возот кој сообраќал на релација Гевгелија – Скопје. Возот директно удрил во него, а возачот починал на самото место. На местото на несреќата излегоа истражен судија и полиција.
„Возилото е тотално уништено. Тешко е оштетена и локомотивата и првиот вагон. Камионот, иако бил полн, ударот бил многу силен, па затоа делови од материјалот има на железничкиот премин кој во голема мера е уништен“, рече Бојанчо Донев, истражен судија.
Трагедијата го попречи железничкиот сообраќај, но работници на Македонски железници работат на отстранување на градежниот материјал кој ја оштетил и железничката линија./крај/ли/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Пронајдена скопјанката која беше пријавена за исчезната
Вчера во 20.00 часот во СВР Скопје било пријавено дека на подрачјето на Чаир била пронајдена 26-годишната И.Е. од Скопје, извести МВР.
На 26.08.2024 нејзиниот татко В.Е.(69) пријави дека се оддалечила од својот дом на подрачјето на Гази Баба, додаваат од МВР.
Црна хроника
Штипјанец пријавил во полиција дека неговата малолетна ќерка се оддалечила од домот
Денеска во 01.30 часот во СВР Штип, 37-годишниот Е.М. од Штип пријавил дека од домот се оддалечила неговата малолетна ќерка, 17-годишната Ј.М., извести МВР.
Според пријавеното, најверојатно таа се наоѓа во Велес кај лицето Р.В.. Се преземаат мерки за пронаоѓање на лицето.
Црна хроника
Млад скопјанец нападнат со нож пред станот во Аеродром, едниот од напаѓачите му се заканил со оружје
Дваесет и петгодишен скопјанец синоќа бил нападнат пред станот во којшто живее на подрачјето на општина Аеродром.
Според пријавеното, момчето било нападнато со остар предмет од Н.С. и уште две лица, а едниот му се заканувал со пиштол.
Пренесен е во приватна болница за укажување помош.
Се преземаат мерки за расчистување на случајот.