Гатачка измамила три велешанки, земајќи им го накитот со ветување дека од него ќе направи амајлија против болест и за среќа.

Гатачката од три куќи во Велес со измама успеала да земе пет златни прстени,едно златно синџирче и два приврзока.

На оштетените има ветила дека амајлијата ќе им помогне. Првата жена била слепа, па требало да прогледа, на втортата и’ ветила дека ќе му помогне на болното дете, а третата амајлија требало да и’ ги реши брачните и фамилијарните проблеми на една од оштетените.

Измамите гатачката ги направила годинава во периот од јануари до јуни. Откако полицијата ја пронашла една од оштетените ја препознала како извршител на кривичните дела, во понеделникот СВР Велес до Основното јавно обвинителство поднесе кривична пријата против 31-годишната лажна гатачка за измама. Таа и досега била пријавувана за дела против имотот.

Меѓутоа од гатањето кривична пријава заработи и една од трите оштетени жени. Затоа што откако увидела дека е измамена, стравувајки од реакцијата на сопругот лажно пријавила разбојништво во продавницата каде таа работела како продавачка. На полицијата и кажала дека непознато лице со нож и се заканил и од неа одземал златен накит и 4.000 денари. Пред судот ќе одговара за лажно пријавување на кривично дело./крај/лисица/мф