Црна хроника
Без да знае подигнале кредит на негово име

Тетовската полиција поднесе кривична пријава против четири лица, од кои двајца банкарски службеници, поради сторена измама и злоупотреба на службените овластувања.
Банкарските службеници одобриле кредит од 5.000 евра на двајцата измамници, кои претходно обезбедиле лична карта од петто лице, без тој да знае за каква намена ќе биде употребен неговиот документ.Кривична пријава е поднесена против А.И.(47) од Тетово за сторено кривично дело „измама“, против Ш.К.(29) и А.Б.(28), вработени како референти во „Уни Банка“-Подружница Тетово за „злоупотреба на службената положба и овластување“ и против Б.М.(31) од Тетово за „помагање“ в.в. „измама“.Во текот на 2007 година, А.И. со намера да се стекне со противправна имотна корист со помош на Б.М., го довеле во заблуда Б.Е. дека ќе биде вработен во спортската обложувалница „Фифа“ во Тетово, сопственост на А.И., за што обезбедиле негова лична карта. По ова, А.И. се упатил во „Уни Банка“ експозитура Тетово, каде ја употребил личната карта на Б.Е. и во договор со Ш.К. и А.Б. била изготвена целокупната документација за подигање на кредит во износ од 300.000 денари на име на Б.Е., додека паричните средства му биле исплатени на А.И. /крај/со/ап/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Жена од Илинден пријавила дека такси возач ја вознемирувал и ја допирал по телото

Вчера во Полициското одделение Петровец, 37-годишна жена од населено место во општина Илинден пријавила дека на 15 септември, 30 минути по полноќ, такси возач наместо да ја однесе до нејзиниот дом, почнал да ја допира по телото.
Откако му се спротивставила, возачот престанал и ја однел до нејзиниот дом.
Жената го пријавила инцидентот и во такси-компанијата каде што возачот бил вработен, по што тој бил отпуштен од работа.
Од МВР велат дека се преземаат мерки за целосно расчистување на случајот.
Црна хроника
Сведок почина во граѓанскиот суд во Скопје

Вчера во полицијата било пријавено дека во Основниот граѓански суд Скопје починал З.Д., кој бил сведок на судење.
Лекар од Итната медицинска помош констатирал смрт, а по наредба на јавен обвинител, телото на починатиот е дадено на обдукција, соопшти МВР во дневниот полициски билтен.
Црна хроника
Пациент во Тетово нападнал лекар и полицаец во болница

Полицијата од Тетово вчера попладне го приведе М.М. (28) од селото Челопек, по пријава дека во Клиничката болница во Тетово агресивно се однесувал кон медицинскиот персонал и физички го нападнал Л.А. (31) од село Желино, лекар кој се обидувал да му укаже лекарска помош.
Според МВР, по пристигнувањето на полицијата, осомничениот продолжил со агресивното однесување и нападнал и еден од полициските службеници.
М.М. е задржан во полициска станица, а по целосно документирање на случајот против него ќе биде поднесена соодветна пријава.