Црна хроника
Тешко повреден млад битолчанец

На магистралниот пат Ресен-Битола, на 800 метри од крстосницата кај село Кажани се случи тешка сообраќајна незгода во која едно лице е тешко повредено.
Несреќата во која е повреден 21-годишен битолчанец кој управувал `Рено Меган` без возачка дозвола, се случила во 3.40 часот, јави битолската телевизија „Тера“.
„Најверојатно заради неприлагодена брзина на движењето на возилото кон условите и состојбата на патот, во моментот кога требало да ја совлада кривината в лево во насока на движењето на возилото, изгубило контрола врз движењето на возилото кое излетало на левата страна надвор од коловозот, се превртило неколку пати и застанало на горниот дел од нагибот покрај патот“, изјави Ѓоко Стрезовски портпарол на СВР Битола.
При излетувањето, 21 годишниот битолчанец испаднал од возилото.
„Притоа се здобил со тешки телесни повреди фрактура на черепот, контузија на мозокот и фрактура на десната надколеница, заради што со возило на брзата помош е пренесен во битолската болница, каде се констатирани повреди опасни по животот“, додаде Стрезовски.
Тој е задржан на лекување на одделението за интензивна нега./крај/тера/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Жена од Илинден пријавила дека такси возач ја вознемирувал и ја допирал по телото

Вчера во Полициското одделение Петровец, 37-годишна жена од населено место во општина Илинден пријавила дека на 15 септември, 30 минути по полноќ, такси возач наместо да ја однесе до нејзиниот дом, почнал да ја допира по телото.
Откако му се спротивставила, возачот престанал и ја однел до нејзиниот дом.
Жената го пријавила инцидентот и во такси-компанијата каде што возачот бил вработен, по што тој бил отпуштен од работа.
Од МВР велат дека се преземаат мерки за целосно расчистување на случајот.
Црна хроника
Сведок почина во граѓанскиот суд во Скопје

Вчера во полицијата било пријавено дека во Основниот граѓански суд Скопје починал З.Д., кој бил сведок на судење.
Лекар од Итната медицинска помош констатирал смрт, а по наредба на јавен обвинител, телото на починатиот е дадено на обдукција, соопшти МВР во дневниот полициски билтен.
Црна хроника
Пациент во Тетово нападнал лекар и полицаец во болница

Полицијата од Тетово вчера попладне го приведе М.М. (28) од селото Челопек, по пријава дека во Клиничката болница во Тетово агресивно се однесувал кон медицинскиот персонал и физички го нападнал Л.А. (31) од село Желино, лекар кој се обидувал да му укаже лекарска помош.
Според МВР, по пристигнувањето на полицијата, осомничениот продолжил со агресивното однесување и нападнал и еден од полициските службеници.
М.М. е задржан во полициска станица, а по целосно документирање на случајот против него ќе биде поднесена соодветна пријава.